امتى اللقى؟

وقت اللقى
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فاتت سنين
عدت كتير
الغيبة طالت
ومافيش سبب
علشان تسيبنى
كانت بتعشق كلمة حبيبى
وف غيبتي عنها
كانت بتحضن رموش عنيا
كانت بترسم
على كل حيطه
صورة ليا
وف بعدى عنها
دايما حنونه
مع كل نسمه
بعتالى صورة
بعتالى كلمه
بعتالى غنوة
الغيبة طالت
والمكان أصبح ملل
والحمام
اللى ياما شال رسايل
جاله شلل
راكب عجل
جنزيره صدى
والبرد لاسع فى كل مكان فيه دفا
مات الوفا
أيوا انتهى زمن حكايات الهوى
امتى اللقى
عايش ومستنى السراب
يملى الحقايق كلها
نفسى أسألها سؤال
ليه فاتتنى؟
ليه سابتني؟
دورت فى كل لحظات اللقى
فى كل اوقات الشقى
مالاقتشى غير
حبة ألم
بيحضنوا
حبة جراح
والشمع نار من جسمى أنا
عازمين مجاريح
كل الشوارع فى الوطن
جايبين كفن
كاتبين عليه
راجع أكيد
يانيل ..تروي الغيطان
زي زمان
والخير يعم على الجميع
وان أخدتم حقى أنا
ادعولى مره بقلبكم
أختم حياتى عندها
أسكن معاها ف قبرها
أنزل معاها وأقولها
لسانى أنا
رغم مرور كل السنين
رغم الالام رغم الانين
لسانى أنا
عاشق خطاوي مشيتك
ساكنه ملامحى ضحكتك
مستني يوم يجمع مابينا
وتبقى نهايتى ف قبرها
ووقت اللقى
نفسي أسألها سؤال
ليه فاتتني؟
ليه سابتنى؟
خدوني يلا لقبرها
خدوني يلا لقبرها
...........................
شاعر الإحساس
عبدالتواب الرفاعي

الله يكرمك ياعم عادل

أخى الشاعر الجميل/ عبد التواب الرفاعى

أننى قد تأثرت بقصيدتك الجميلة والتى قد لامست الجرح

ومانلاقيه من الجحود وعدم الوفاء


ويعجنبى عندما قلت

مات الوفا

أيو إنتهى زمن حكايات الهوى

عايش ومستنى السراب

يملى الحقايق كلها

لآنك هنا ربت بين عدم الوفاء
وبين السراب وكأنهما يؤديان إلى إختفاء الحقيقة

دمت مبدعا كعادتك