يتيم مهاجر

موضوع: يتيم مهاجر الإثنين نوفمبر 18, 2013 5:42 pm

إسمع كلامى وخد فكرة
خلى العقول دايما فاكرة
هحكى حكاية شاب وكان
عايش بيحلم بالهجرة
.
قام اليتيم راح عالمينا
ومكنش حاجز فى سفينه
كل الحكاية دى مركب صيد
مترصصين فيها عجينه
.
قبطان وأصلا مش قبطان
عمال يعشم فى الجدعان
لامم فلوسهم وشقاهم
تحويشه طول سنتين حرمان
.
قبطانا فى اديه الدفه
فى البحر لففهم لفه
وف نص طوبى كان التوقيت
نزلهم الميه بزفه
.
مع كل واحد عوامه
كان لسه عالشاطئ يامه
ولاجل بختهم المايل
تهب وتقوم دوامه
.
عدد ولادنا 19
ويتيمنا كملهم 20
دوامه واخده 18
والناجى منها يادوب 2
.
يتيمنا كان واحد منهم
حرس الحدود قام مقابلهم
دورية بتلف المية
متولى وصميده وزينهم
.
يتيمنا قام سلم نفسه
حس ان روحه عليه غاليه
بس السؤال اللى ف نفسه
إيه اللى جاب دولا إيطاليا
.
قالولو فوق صح صح يابا
ركز معانا ياعم يتيم
إيطاليا مين دانتوا غلابه
إحنا حرس ف حدود بلطيم
.................

مبدع

قصيدة فوق مستوى تعليقي

حيث أن تعليق من شخصي الضعيف

لن يضيف لهذا العمل الرائع شئ

والله بدون مجاملة

مودتي وتقديري

الله عليك يا احمد
لخصت مشكله الهجره فى عدة ابيات من اروع ما قرأت .
وياليت الشباب يتعلم من تجارب الغير .
ورغم ذلك تكررت تلك الحادثه كثر من مره .
احييك على براعتك وحرفك البرائع .
مودتى وتحيتى ...

» انا مهاجر