عندالمقابر

لما بروح عند المقابر
..................
..................................
احترت أنا...
مش عارف أنا مين
أنا اللي هويت واتعشقت؟
ولا اللي حبيت واتخنقت؟
ولا اللي بعد ما عشت حر
جوه قلبك اتزنقت؟
سلسلونى بألف سلسله من حديد
كلبشونى رجل رجل... وايد ف ايد
خلوا دم الجسم ينزف
لغبطونى....... الربيع أصبح خريف
جوه رعشة جسم جامده
الشتا حسيته صيف
العرق عمال يخر من الجبين
والسنين بتجيب سنين
مره أحس بانى طاير ف السما
وسنين كتير بعيش حزين
المهم انى تهت
والسبب معرفشى مين
يمكن عشان خسرت حب؟
ولاعشان عشرة سنين؟
ولا عشان حلمى أكون
م الميتين
وتصدقوا...........
أجمل مكان بحس فيه براحه
وأقدر أغمض فيه العنين
لما بروح عند المقابر
ولما أدفن جوه التراب .....انسان عزيز
بحس انى والله صابر
وكل شئ أصبح لذيذ
............
أنا نفسى أموت
أحسن ماأعيش مكسور حزين
تايه فى دنيا من العذاب ومن الأنين
أو نفسى أعيش فى دنيا تانيه
أبعد بعيد ...عن دول بشر
...........مات الضمير
والحب أصبح كالتسالى
فى المقالى
زي موج البحر
مالوش صحاب
والعشق مات
وأنا حضرت دفنته
وبايدي دي
شلت والله جثته
الصدق غاب
.أنا نفسى أموت
أحسن ماأعيش
من غير ضمير
وضميري قلبى
لازم بايدي أكسره
أحسن ماأسيبه يعيش حزين
أحسن ماأسيبه يعيش حزين

...................
شاعر الاحساس
عبدالتواب الرفاعي

شكرا ياعم عادل والاستاذ مصطفى محمد عبدالعزيز