متاهة العصافير

متاهة العصافير
................. 
عصفورة لمت قشها
كات ناويه تبنى عشها
تعبت كتير والقش طار
أصل المقاول غشها

عصفورة تانية نفسها
ترسم طريقها لنفسها
تزعق تبوح .. بركان طموح
وﻻ‌ حد عاقل حسها

والتالته عايشه عالكفاح
قدام عنيها شقاها راح
صرخت وقالت إرحموا
قالولها بس ... بﻼ‌ش نواح

والرابعة ناوية عالرحيل
طفشانه م الباشا البخيل
حرس الحدود . نصبوا السدود
وقالولها إنسي مفيش بديل

عصافيرنا مين قال انها
ﻻ‌زم تعيش جوا القفص
مين اللى حلل سجنها
وحرمها من كل الفرص

قالوا اﻷ‌سد هو السبب
شيلنا اﻷ‌سد جبنا الفرس
قام الفرس . شت ورفس
وخاب وزود فى الهجص

وف قرب عيد . جانا البعيد
نفس اﻷ‌سد ' بس الجديد
وكﻼ‌مه ناعم زقزقه
بصراحه كنت انا بيه سعيد

وقال خﻼ‌ص شيلنا الفرس
عصافيرنا فرحت هللت
أتاريها كات رنة جرس
وعشوشنا بيها اتهلهلت

متاهة والفخ اتنصب
عصافيرنا بردو بتغتضب
والعش لسه ما زال بقش
لكنه منصوب عالقصب

   
ايه الجمال والابداع ده يا عم احمد
انت بتغيب عننا عشان تفاجئنا بابداعاتك
يشرفني ان اكون صاحب اول تعليق علي كلماتك
تحياتي اخي الكريم

بهاء الدين محمد كتب:

   
ايه الجمال والابداع ده يا عم احمد
انت بتغيب عننا عشان تفاجئنا بابداعاتك
يشرفني ان اكون صاحب اول تعليق علي كلماتك
تحياتي اخي الكريم

ربنا يباركلى فيك يا صاحبى
وما يحرمنى من مرورك وتعليقك الجميل

وقال خﻼ‌ص شيلنا الفرس
عصافيرنا فرحت هللت
أتاريها كات رنة جرس
وعشوشنا بيها اتهلهلت

متاهة والفخ اتنصب
عصافيرنا بردو بتغتضب
والعش لسه ما زال بقش
لكنه منصوب عالقصب

الله يفتح عليك
أقولك أيه
أستاذ كبير جداً
وفكر راقي جداً
وشعر راقي جداً
مودتي.. وتقديري