تتشل الأيادي

    


كنت بهتف ويا أمي

بإسم مصر وبإسم جيشنا

مصر ساكنة جوة قلبي

حبها دايما وحشنا




أصل مصر مربياني

ع المبادئ والعادات

علمتني أبقي راجل

زي ناصر والسادات




علمتني أحمي أمي

وأنحني ليها احترام

كل يوم راح أبوس إيديها

أمي دي منبع حنان




ولو في يوم غلط غلطة

إضربيني يا أمه عادي

إزعقي فيا بشخطة

تسلمي وتسلم بلادي




تتقطع إيدك يا خاين

لما تتمد علي أمك

تنحرق الاربع صوابع

اللي بيهم ناسي ربك




أوعي تبكي في يوم يا أمي

م الخسيس أو م الجبان

ده اللي مترباش في بيتنا

قلبه منزوع الحنان



إفرحي يا أم البطولة

وإلبسي تاج الشهامة

دأنتي عنوان الرجولة

دأنتي رمز للكرامة

الإدارة كتب:

أخى بهاء
تتشل كل أيد حاولت أو تحاول تخريب مصر
أحسنت أيها الرائع
بوركت وبورك نبضك
سعيد بحجز مقعدي الأول

شكرا لمرور حضرتك
انا اللي سعيد بتعليقك ووجودك علي صفحتي المتواضعة
وان شاء الله اللي حيحاول يخرب مصر او يهدم جيشها
تتشل ايده بإذن الله

عادل عوض سند كتب:

                    الابن الشاعر
بهاء الدين محمد
الابن العاق لابد ان تنبذه الاسره .
ومن تمتد يده على امه واجب قطعها .
احييك على حرفك والنص الجميل .
مودتى وتحيتى ...                                              

شكرا استاذي العظيم علي مرورك الطيب
وربنا يحفظ مصر من كل خائن وخسيس
تحياتي لحضرتك

قصيدة جميلة

بالتوفيق يا بهاء

أحمد رجب معيط كتب:

قصيدة جميلة

بالتوفيق يا بهاء

شكرا لمرور حضرتك الطيب
وشكرا لتعليقك الراقي
تحياتي اخي الكريم

الإبن العزيز الأستاذ/ بهاء

حققت طفرة كبيرة جداً في وقت قصير جداً

ماشاء الله .. حاجة تفرح

أتفق معك في عبارة تتشل الأيادي

ولكن أختلف معك في أي أيادي

طارق منيب كتب:

الإبن العزيز الأستاذ/ بهاء

حققت طفرة كبيرة جداً في وقت قصير جداً

ماشاء الله .. حاجة تفرح

أتفق معك في عبارة تتشل الأيادي

ولكن أختلف معك في أي أيادي

شكرا لمرور حضرتك الراقي استاذ طارق
الطفرة التي حدثت لي فهذا بفضلكم وبفضل اعضاء المنتدي الكرام
وبالاخص استاذي استاذ عادل عوض
شكرا لحضرتك جزيلا
ممكن نختلف في اي ايادي ولكن اكيد لانختلف علي ان تتشل ايد اي واحد تتمد علي نساء مصر

عبدالعزيز المنسوب كتب:

الشاعر الواعد / بهاء الدين
فعلا تسير على الطريق الصحيح وأتنبأ لك بمكانة طيبة بين الشعراء الكبار بإذن الله
والصدق مع النفس فيما تكتبه هو أول الطريق
تحياتي وتقديري  

شكرا لحضرتك استاذ عبدالعزيز
تعليق حضرتك شهادة اعتز بها ووسام علي صدري
شكرا جزيلا ....تحياتي لحضرتك