حبنا ملوش تفسير

نفسى أفسره وهو ملوش تفسير
أو حتى أعبر عنه وهو ملوش تعبير
مرة واحدة إتقابلنا
والحب جه عشش مابينا
القلب ينبض بصوت الحب
والعقل يفكر فى نبض القلب
أنا دلوقتى عايش فى دنياكى
تفرحى أفرح معاكى
تحزنى قلبى يصرخ وياكى
تغضبى أكسر الدنيا وأكون فداكى
بطلت أحس غير بحبك
وبطلت أشوف غير صورتك
وناسى كل الاسامى إلا اسمك
حبنا ملوش أبدا تفسير
يعترى حبيت شعرك الحرير
ولا قلبك النقى الكبير
ولا ضعفك وعينك بتحضن عينى
ولا شكلك وعقلك بيمثل انه ناسينى
ورغم كده اللى بينى وبينك
ملوش تفسير
إللى بينى وبينك
عدى مستوى عقولنا فى التفكير
عدى حتى طريقة كلامنا فى التعبير
حاسس إنى نص وإنتى نصى التانى
إنى مجرد جزء وإنتى وحدك مكملانى
انتى زى المية والهوا
وبعدك موت ملوش دوا

أستاذى طاهر الصوفانى شكرا لك على مرورك الغالى واتمنى منك متابعة مواضيعى وإرشادى دمت بخير وحب وسعادة