طبول الحرب

** طبول الحرب **
------------


طبول الحرب
لما تدق
تملى يجهزوا الفرسان

وتسمع صوت
صليل لسيوف
وهِيا خارجه مـ الغمدان

رُماة السهم تلقاهم
طبول الحرب وخداهم
وشيلاهم وحطاهم
فى أعلى مكان

طبول الحرب وقت زمان
كات إعلان
بيعلن عن سباق العزه للأوطان

كتاب مفتوح
يخطه ويسطرو الشجعان

طبول الحرب كات نغمه
ميعزفهاشي أى جبان

ويفزع من سمعها الخيل
وتتوقف لها الأزمان



طبول الحرب دلوقتى
بقت سلعه

ومش بالدرع والقلعه

شوية كدب شيطانى
على حبة حريم خالعه

وأحزاب مـ الزقاق طالعه

تبات الليل على الفتنه
تفوق تلقى النيران والعه

طبول الحرب دلوقتى
بتدن كل يوم جمعه

طبول الحرب مش لايقة
عشان الخصم أهالينا
وضربة تمس أرواحنا
وطلقة بتيجي فى عنينا
وجار السوء بيتمنى
وكل الدنيا حوالينا
سلاح الفقر يهزمنا
ونسعد بيه أعادينا
ياريتنا نصحى من نومنا
وصبح النور ينادينا
ويطرح خير على بلادنا
ونبدر بيه أراضينا
ونحصد خير لآولادنا
ونحمي البحر والمينا

اخى الشاعر الجميل
احمد عطا
بصراحه مش عارف الناس دى عايزه ايه ؟؟
الشعب رافضهم . كارههم .. لفظهم ..
ومن يحب الخائن ؟؟
ومن يحب العميل ؟؟
ومن يحب من قام بحرق مصر ومازال يخرج لقتل ابنائها ؟؟؟
نصك فعلا صادق وصريح لان مايحدث الآن هو فعلا حرب على الارهاب .
ولكن لى سؤال للمغيبين السذج .
ماذا يحدث عندما يرى الجيش ان فئه مضلله تخرج اسبوعيا للقتل والتخريب والحرق والدمار ؟؟
ايتركونهم ويتفرجون عليهم ؟؟؟
يا اخى سبحان الله عقول مغيبه وفكر فاسد وتفكير مريض .
احييك اخى احمد على نصك الجميل .
مودتى وتحيتى ...