مانيش شاعر

مانيش شاعر
......................
يقول شاعر
واقول ازاي اكون شاعر
وانا إحساس ومتكسّر
ومحبوسه بضلوعي الآه
بتخنق فيّا وتعصّر
وفوق السّطر مش شايف
أنا حروفي
ولو ملهوفه اوراقي
احس برعشه فـ كفوفي
يزيد خوفي
واشيل همي
ويهرب مـ العروق دمي
وادور نقطه تحييني
ترجع فيّا تكويني
فاتكويني
نقط كانت
زمان فـ حروفي منسيه
وشايله لي ربيع احلام
لكن عـ الرف مرميه
بحنيه..اروح ليها
وادور عـ الامل فيها
يلجمني الخرس تاني
ويعقد ايدي ولساني
ويرجمني السكوت زخات
يشقق كل وجداني
واعلل صبري عـ المكتوب
واعيش وحدي فـ احزاني
واقول بكره الامل طارح
الاقي الطرح حرف يادوب
بداية لبحر كان مالح
واعيد الكره من تاني
واقول اكتب علي كفي
الاقي الكلمه تدبحني
وتسلخ فيا وتشفي
مانيش شاعر دا انا شاعر
بكل اوصالي مقطوعه
كتير من الناس تقول واعر
لكن في الحق مخدوعه

طيب لما انت مش شاعر !!!!
مين يكون الشاعر ؟؟؟؟؟؟؟؟؟
اخى وحبيبى الشاعر السامق
رضا فايد
راقنى نصك وشدتنى تركيباتك والبناء الجيد للنص .
وهو نص لايخرج إلا من شاعر كبير وواعى لما يكتبه .
احييك على قصيده تحسب لك وتعلى من قدرك عند القراء .
مودتى ياغالى ...