أنا الجنى

أنا الجنى
أنا ضد اللى بيقولو كلام عنى
ومش عايز أكون منهم
ولا يكونوا فـ يوم مِنى
أنا الجنى
بعقلك مش هتفهمنى
بقوه صعب تهزمنى
وكلمه من كتاب الحق
تقولها بحق
تحرقنى
أنا الجنى
أنا مسلم وبيقولو كمان سٌني
وفعلى .. فعل شيطانى
وفكرى مش مقاس سِنى
أنا الجنى
وبحرس إللى يحمينى
وبحمى إللى يحرسنى
لا دم يعكر احساسي
ولا أرواحكو تنقِصنى
أنا الجنى
وعن خدماتكو مستغنى
وصوتكم لو فى يوم يعلا
تلاقوا ولادى بتغنى
وتهتف باسمى وتهلل
وفى الفوضى تمرمغنى
أنا الجنى
يخاف منى البشر كله
ومتحكم
فى رأيه وشربه وفـ أكله
انا اللى يصر يعصينى
أفشفش عضمو
دانا أكله
أو اطبخله
صينية سم بالملبن
واسويها واسبكله
ولو كلها
فى داهيه يغور
ولو سبها اتكتكله
أَجَمَع مغربى وشامى
غريب عنو على شكله
أبوظ حبه فى السمعه
وازود همو ومشاكله
أنا جنى ومش سايبه
لحد اما الكلاب تاكله
أنا الجنى
أنا متربى فى الضلمه
ومقبلشي يبان النور
ويكشف ستر ناس ظالمه
وبوعدكو
هوصلكو
لاعلا مراتب العتمه
أضخ دمايا فى عروقكو
وبلسانكو هقول كلمه
-------
سيبقى الظلم نبراسي
شعارُ لى أرددهُ
سيعلوا صوت وسواسي
يدك الحق يطردهُ
سئاتيكم بأفكارٍ
طغاة الكون تجهلها
أوارى الحق بستارٍ
خيوط الغش تغزلها

أنا الجنىُ مولاكم
فإياكم مخالفتى
حقيقٌ أنى أخشاكم
وأخشي سوء عاقبتى
ولكن كيف أترككم
وانتم سر موهبتى
-------
أنا الجنىُ
أنا الجنىُ أغويكم .... وفى الآخر هورطكم
وبالفصحى سأهلككم .... وبالعمى هشردكم
ويوم الدينِ أستبرأ .... ياحلوين من مصايبكم
ولن أحمل خطاياكم .... وخلو الدنيا تنفعكم
ـــــــــــــــ
أنا الجنى
أنا الجنى ومش عفريت
سلاحى المكر والدناميت
أكيد الكل يعرفنى
ولو تجهلنى تبقى عبيط
أنا الجنى
أنا الجنى
أنا الجنى ومش عفريت