إنتي الأصيله - شعر غنائي -

إنتي الأصيله

إنتي اللي وقت الشِدّه حاضنه قلوب كتيره

إنتي اللي فـ عِز جرحنا باكيه علينا

زعلانه ؟ .. غصبٍ عننا .. حقك علينا

يا مصر ده إنتي أمنا .... مخلوط بطينك دمنا

ومن يوم ميلادنا إسمنا .... حاميه بإسمك ربنا

إنتي الأصيله

عايزين يا أمي يحرقوا قلوبنا عليكي

قاصدين شِتاتنا و شملنا لمّاه بـ إيديكي

عارفين مقامك عندنا و قوتنا بيكي

وحياة ترابك ويّا نيلك .... وِ وَيّا قرآنك صَليبك

وعيسى و محمد حبيبك .... لتبقي جوّه العين نشيلك

إنتي الأصيله

إسمك يا مصر عشق وارثه عن جدودي

شمسك و قمرك صيف شتا السر فـ وجودي

شوقي لرضاكي عننّا عدى حدودي

آسفين يا غاليه و موجوعين .... لو حد حبه وطّى الجبين

عَلَمك ده عِزه ومن سنين .... وحبك لوحده في قلبي دين

لــ محمدرشاد

من حسن حظي ان اكون صاحب اول تعليق
علي هذا الابداع
نورت المنتدي باحساسك العالي
دام الابداع...

الاخ الشاعر
محمد رشاد
ارحب بك اولا فى منتداك وبين اخوتك .
واقول مرحبا بشاعر جميل .
وقد ظهرت براعتك فى نصك الوطنى الجميل .
احييك اخى على نبضك الشفيف .
مودتى وتحيتى ...

» عشانك إنتي