ف عصر العلم والذره

لأول مره ف حياتي
أشوف مسلم بيتشفا
ف مسلم زيه من دينُه
ويفرح فيه

وأول مره اشوف حاكم
ف عصر العلم والذره
بيحكُم شعب بالجزمه
ويهزأ بيه

وأول مره اشوف قاضي
بيدى برائه للجاني
ويحبس جوه زنزانتُه
مجني عليه

وأول مره اشوف الدم
زي الميه ف الشارع
مالوش لازمه ولا قيمه
ولا تشبيه

لأول مره اكون خايف
أقول رأيي وانا ف بلدي
ونفسي اصرُخ ومش عارف
أعمل ايه

لأول مره اشوف طفله
بتبكي مش عشان لعبه
ولا مصروف ولا فُسحه
أقولك ليه

أخوها التوأم استُشهد
ف رابعه وهي مش عارفه
وبذلت أقصى مجهودها
عشان تلاقيه
..

الله الله

وأول مره اشوف قاضي
بيدى برائه للجاني
ويحبس جوه زنزانتُه
مجني عليه

زمان كنا بنقول حاجات زى كدا على سبيل التشبيه
انما اليومين دول
الحاجات دى بقت حقيقة

أشكرك على هذا الابداع
دمت موفقا
ودمت بخير

اخى الشاعر
رضا عثمان
جميل ماذكرته .. ولكن كنت اتمنى ان تُكمل وتقول :
لما تم كل هذا ؟؟ ومن الذى ابتدا بالقتل والتمثيل بالجثث .
ومن الذى هدد بحرق مصر وتدميرها والاستعداء بالغرب لنقذتهم .
فقد وضعت لومك وعتابك على من قاوم الارهاب والقتله ولم تذكر ولو جزء مما حدث
من الارهاب . عموما التاريخ لن يزور وتلك طبيعة جماعه ارهابيه عملت فى الظلام وفشلت فى ان تعمل فى الضوء منذ نشأتها . لفظها الشعب فأرادت ان تدمر مصر بإرهابها وتطرفها .
نص جميا صياغة وطرح احييك عليه .
مودتى وتحيتى ...