كل ده هوا يطلع منكم

بقا كل دة اهوه يطلع

منكم

وانا على دينى ووطنى

أئمنكم

واما اعارضك هتموتنى

حقى انا هاخده ومش

مسامحكم

بالاسلام وسماحته ناديتنى

وباسلوب وبراعة غويتنى

واما عرفت انك حبيتنى

انا تلقائى كمان

حبيتكم

واما بقيت تتقرب منى

شوفتك بالشر بتشحنى

واما جادلتك روحت شاتمنى

قولتلى اخرس واسمع منى

انا حسيت مبقيتش

فاهمكم

فين الطيبة وفين اسلامنا

والمفروض انك تسمعنا

زى ما احنا بنسمع

منكم

فرض الرأى وحب السلطة

اكبر مرضين اصابوا

صفوفكم

بتطبقوا من دينا أيات

وأيات تانية مش

علشانكم

وبتزرعوا فى الارض فساد

والاسلام متبرا

منكم

علشان كرسى هتقتل أمة

جيبتم لمصر العار والغمة

وبعون المولى

هنهزمكم

واما عرفت خلاص حقيقتكم

متشرفش انى اكون

منكم

انا مسلم وبحب بلادى

شئتم ابيتم غصب

عنكم