الفلول مسكوا البلد

الفلول مسكوا البلد
..................................
نازلين أكيد من تانى للتغيير
نازلين لنصرخ
ف الوشوش ...رافضين
وازاي هنسكت؟
دالتاريخ بيغيروه..........بيزيفوه
والحضارة بيهدموها
كرهونا ف البيوت
دمرونا...وتوهونا
.......................
نازلين ومش راجعين
ونرجع ليه؟
نرجع عشان حرق دم وقتل ناس
نرجع عشان مافيش أمان ولا احساس
..........
الجيوب فاضيه وحزينه
والوشوش كارهة الامان
والقلوب مش لاقيه مينا
ومينا مات جوة الميدان
ومش هيرجع تانى لينا
مينا نارمر كان زمان
كان شجاع كان مهول
لما وحد البلاد
وقطزهزم التتار يعنى المغول
وكان سلاحه الاتحاد
ومهما احكى ومهما أقول
الثوار طردوا الفلول
والفلول مسكوا البلاد
وهى فين يابنى البلد؟
البلد شالت شنطها
ولسه واقفه ع المحطه
ف انتظار قطر الرجوع
والرصيف مليان بناس
ناس بتبكى
وناس بتشكى
وناس بتغرق ف الدموع
وال شايفل فوق كتافه هم جامد
وال راضى بالنصيب ولربه حامد
وال مخنوق من الحياه بس صامد
وال ساب بيته واهله لجل يرجع
يبنى بيت لو حته أوضه
وال فاتح ميت مجله
عمال يدور على اغلى موضه
الرصيف مليان بناس وكله نازل
لجل نخلص من المهازل
لجل نهدم سد نهضه
لجل نهدم ألف عازل
بين جدار الخوف وبينا
لجل يفرح أغلى نهر
لجل ترقص العرايس
لجل ترجع تانى مصر
والميدان يبقى هايص
والجميع يصرخ يغنى
مصر مصر
مصر بالعلم ال عينا اتعودت سنين عليه
من غير سيوف
من غير خضار
بنسر شامخ واقف أصيل
بخريطه ف نصها نيل
بسينا صامده ع الحدود
بسد واحد
يغنينا وحده عنن اى سد من السدود
نازلين أكيد
والمره دى مافيش رجوع
من غير مانهدم الحواجز المنيعه
من غير مانقتل أى نفس
عايشه بينا اه ووضيعه
نازلين لنحمى الحضارة والتاريخ
الاهرمات قبل بكره مانلاقيها
جنب سينا والقناه
معروضين ف مزاد رخيص
دم مصر مش رخيص
ومش هنسمح لأي حد
مهما كان
انه يوم يبيع بلدنا ف مزاد رخيص
الثوار طردوا الفلول
والفلول مسكوا البلد
.................................
شاعر الاحساس
عبدالتواب الرفاعى
كتبتها ضد اى حد بيحاول يهين مصر
وليست ضد اى حد بالعين
ولا تقصد الا الاشخاص ال فعلا عايزين يغرقونا
ولاتقصد اسماء بعينها
وعلى الله قصد السبيل

اخى العزيز الشاعر المتميز جدا جدا
الاستاذ عبد التواب الرفاعى

تحياتى وتقديرى وشكرا على امتاعنا بتلك القصيدة الرائعة ولكن عمر الفلول ماح تقدر تانى تنول مرادها .

ودمت بكل خير ومحبة وسعادة ودام البداعك الرائع .

شكر للمبدع فوزى الشربينى

اخى الشاعر

عبد التواب الرفاعى

واضم صوتى لصوتك واقول الف لا ..

لمن يزايدزا على امان مصر .. لمن يزايدوا على ارض مصر .

فنحن خلعنا طاغيه ومصر قادره بمشيئة الله ان تخلع اى احد

يعمل ضدها .. وضو امنها ومصالحها .

نصك رساله .. لكن للاسف المرسل اليه .. مغيب تماماّ .

مودتى وتحيتى ...

جميلة يا عبد التواب

واضم صوتي لاستاذي الجليلين

فوزي الشربيني وعادل عوض سند

تحياتي ومودتي

شكرا ععادل سند واحمد رجب

» الفلول
» وش البلد مليان يفط
» ((( رسالة إلي الفلول )))
» ماجد يوسف للصدارة و الفلول للخلف در
» الخروف والحمار "من الإخوان إلى الفلول" - طارق منيب