حتة مركبة

حتة مركبة
........................................

الشوق رمانى ف حضن نيل
اسود ضلام
الشط ساكت
والناس نيام
والميه هاديه غير كل مره
والقمر مالهوش وجود
شوقى اليكى ...عدى بصراحه
كل الحدود
خلانى أسبح ف حضن نيلى
وغرقت جامد ف الضلام
لاقيت شعاع نور بسيط
من مركبه....ماعرفتش اهرب
من الحقيقه للخيال واعمل عبيط
وصوت عيال عماله تلعب
فى مركبه بشراع بسيط

الأب حاضن الشبك
والمركبة عشي الجميل
فى نهر نيل
رغم الضلام
وعيل صغير عمال بيبكى
من برد لاسع جتته
الليله برد والمطر غرق شراع المركبه
رغم السيول حضن الدفا
موجود فى حتة مركبة
والفرحة عمت ع الوشوش
لما الشبك صاد السمك
والزيت بيقدح فى طاسه سودة
كات ليله مرة ع الجميع
الا صحاب المركبه
كانوا فرحانين
والصحبة كانت طيبة
ونسيت بجد انا رحت ليه
للنيل هناك
كان نفسى أرجع ذكرياتى
ويا حبيبتى الطيبه
على شط اعظم نيل
مخلوق لمصرالطيبه
كات ايدى ماسكها كفها
فاكر انا
دخت لما لمستها
كانت عنيهاأحلى من الخضار
وخد ميزته الاحمرار
وايد غريبه بترتعش
رغم الامان
رغم شوقى الي حاميها
وقلعت جاكتى من ع القميص
دفيتها بيه
لبستها توبى بعرقى ...........استحلته
اليله دى تشبه لليله عشتها ويا النجوم
مع حب عمرى وذكرياتى
وقلبى دق من فرحته
كان قلبى عامل زي شراع المركبه
واقف متين
واقف شجاع
مين ال باع؟
حلم الغلابه ع الرصيف
مين ال خلى حلمنا هو الرغيف
مين ال سارق قمحنا وعامل شريف
هو انتو ايه
ايه جنسكوا؟
هو احنا مش بنخصكوا
ولا مطالب السياده منكوا
نسيب البلد؟.............
نسيبها ليكوا ده حلمكوا
وعشان نسافر مشكله
هنجيب منين تمن السفر؟





المركبه ممكن تشيلنا كلنا
ولا هتغرق
ومين يصدق
رغم ضلام الليله والسواد
لسه الشعاع
جايب أمل
ريحة عبير
ونور شديد
جي من بعيد
جايب معاه
مليون مغنى للفرح
الحفلة أكبر من أى شئ تتوقعه
الحفلة ثورة
بس ثورة المرة دى مترتبه
ليها صحاب
وليها قائد
المرة دى مش العيال
ال فى يوم هيفركشوهم
وهيقدروا بالكدب يوم هيبعدوهم
المرة دى كل الوطن
المشكله مش فيكى انتى
ولا فى السمك
أو فى اتساع خرم الشبك
المشكله غ الي شبك
مليون حرامى فى حلمنا
فاستحملى واتحملى
الصبر مفتاح الفرج الصبر مفتاح الفرج
.................................
شاعر الاحساس
عبدالتواب الرفاعى

ربنا يباركلك وانا اتعلم منك استاذ عاطف الجندي

شكرا عادل بيه سند

جميلة اوي يا عبده
ايه الابداع ده يا عمنا
تحياتي واعجابي

شكرا احمد بيه

أين أنتم ياأعضاء المنتدى؟

يامن تعلمتم وعلمتم؟

إنه مظهر من مظاهر عدم الوفاء ونكران الجميل لهذا المنتدى العظيم هجركم له بهذه الطريقة!

في أنتظار معاودة نشاطكم مرة أخرى

أخوكم

طارق منيب