عالم تانى

أمنيتى إنى أختفى من العالم دا

وأظهر تانى فى عالم تانى

عالم أحقق فيه الأمانى

عالم محدش فيه يعرفنى

ومفيش مشكلة أبدًا تقرفنى

الضحكة على الوشوش مرسومة رسمة

حتى الأطفال بتضحك ومبتسمة

عالم أنسى فيه الكآبة والغم

عالم أنسى فيه الآهة والهم

وألاقى ناس متعرفش غير الخير

ناس تفرح لفرحة الغير

ناس تعرف معنى الضمير

وأبطل أفكر عن حياتى والمصير

عالم الضحكة فيه بتطول عن دقيقة

وأبص فى العيون ألاقيها بريئة

عالم أطير فيه من غير جناحين

بخيالى أطير ولو لفين

وأتخلى بقى عن النابين

نفسى ألاقى صاحب بجد

وقت الشدة على إيدى يشد

نفسى ألاقى كل إللى أتمنى

بس دا مستحيل إلا فى الجنة

مفيش حاجة مستحيلة

وعموما اول ما تلاقي العالم دة قولي علية عشان انا كمان زيك عايزة اهج واروح عالم تاني

خلاص وعد

انا مستنية

تقبل تحياتي

أستاذتى سلوى سيد عبد العزيز شكرا لك على مرورك الغالى وأتمنى منك متابعة مواضيعى وإرشادى دمت بخير وود وسعادة

أستاذى عادل عوض سند شكرا لك على مرورك الغالى الذى أعتز به وأتمنى منك متابعة مواضيعى وإرشادى دمت بخير وود وحب وسعادة