شرعك مايساويش ..!!

زائر

شرعك مايساويش ..!!
قتلتــى ليـــه فيــا الأمــل وقولتى روح شــوفلك مصير
دا صرختى هزت جبـــل طب وانتـــى ليـه مابتسمعيش
نقشتى فى القلب الشجن وبقـيت فــى مملكتــك أســـير
سرِّك خلاص بان للعلــن قـولــى الحقيـقـــه ماتكـدبيش
أنا وانتى إيـه ماتفهِّمينى لما تتــوه شمـسى ف نهـارك
ولما أتعرَّى ف زمانك واستجير منك بجيش
كنت فاكــرك نــــور ونــــار وسـط دوامـــة شـــــقايـــا
شــوفت ليــل مات ع النهـار حتى صبحك بان غميـــق
أحضنك وامســك فى توبــك وابدر الخــوف ع الرحايـا
بكــرا يكســر فيــا قيــدك لمـا شـاف حضنــك خنيـــــق
وانقـــــر الشــباك واغنـــى زى عصــــفور الكنــــارى
تنطق الدمعه بحروفها كنت بحلم بس اعيش
كنت بحـلــم حـلــم تـايـب بس اعيــش إنســـان بسـيـط
وانتى شــايفاه حلــم خايب مســـتحيل يطــــلع لنـــــور
لا الكُتب ولا فى المدارس علِّمــــونى ابقــــى حويـــــط
كنت بحلــــم أبقـى فـارس مــش فى ضلمه أنط ســـور
والتقيتك خونتـــى عهـــدى وحتــى وعـــدى بتنـــكريه
تبقى مطروده فى شرعى وانتى شرعك مايساويش
خايفــه أهرب من قيـــــودك ولَّاخـايفــه ضــىّ بــــــكرا
هايفكـرك فيــا بجنــــــــونك لمــا كنتــــــى بتخـــدعينى
بـــس انا كـبرت وفهمتـــك وابتديـــــت أكــتب وأقــــرا
وكل مااوصــل روحــى فيكـى كنتى تجرى وتقطعينـــى
والتقيـــــت نفســـى لقيــــط بشـحت اللقمــــه بترابـــها
وان شكيت منك فى يـوم ألقى راسى ف إيد شاويش
يجلد الأحــــلام فى ليلــى ويحـــــرق السطـر اللى باقى
تنشــــف الميَّه فــى نيـــلى ويتعَمـى بكرا فى شـــــوفى
تنــــده الزهـــــره نـداهـا وتشـحت القطـــره الســواقى
وانحنــــى قــدَّام أســـــاها تشــرَق الكلمه فى جــــوفى
ألقــى روحــى تايهـــه منــى حتى فجــرى ملوش أدان
يبقى أسكت ولَّا أهرب وانتى ظالمه ماتعدليش
يعنــى إيـــه أطلـــب حقــــوقـى ينقلب وشـــك تزومــى
ألقـــى تحــت الأرض فوقــــى وحقــى فيكى بتنــــكريه
لا الحـــرام قافلــه بيبــــانه ولا الحلال ويـَّاه تقـــــومى
ولما دينــــــى يبقــــى آيــه إنتــــى دينــــك يبقــى إيــه
فتحـــة الرجـــلين بتوســــع والإيديــــن مـــدَّاهــا بــره
واللى جوا جهل ساكن جـوع وعُرى ماتستريش
خايفــه أهــرب من قيــودك ولَّا خايفـه اكشف عيوبــك
ولَّاخــايفــه مـــن جنـــودك لمــا تقـلــع تـــوب نبيــــها
واللى لابـــس يــوم حجــابك ينقلــب ينهــش فى توبـك
هو ده مــش كــان كتــــابك ولَّا كاس وســـكرنـا بيـــها
والهبــــل ســـايقـاه علينــا واحنـــا رافضــين الولايـــه
ده طريق وملوش نهايه وانتى عاميه مابتشوفيش
لو تعيشــى بلون جنـــونك فـــوق ألوفــك ألـــف عـــام
عمــــرى أطــوَل مــن ظنـــونك تحذفينــى مــن الكتاب
قلبـــى فيــه تريــاق سـمومك مهما كان عهـدك ضــلام
والولــد اللـــى افتــــكرتى ف يــوم كفــر الوقتـــى تاب
واللى متبقــى ف عيـــونـك وهــم هربــان من قضــــاه
شوفتى يوم حنضل بيطرح عين جمل أو فيه ياميش
هتلاقينــــى ف كــل حــارة وكل مدفـــون جوا صـــوته
كلمـه مكتـــوبه ف عبــــاره أوكابــوس يقلــق منامــك
هتلاقينـى نار بتحــرق عنكبــــوت محمــى ف خيـوطه
مهمــا كان جهـلك بيبرق مش هصــدق يــوم كلامــــك
هـو كـان فرعـــون إلـه ولَّا كان نصـَّـــاب وواطـى ؟!!
لو هاتتغرِّى بســــكاتى تبقى أكيد مافهمتنيش ...
ــــــــــــــــــــــــــــــــــــــــــــــــــــــــــــــــــ
بقلم / أحمد ناجح

الاستاذ الشاعر الجميل

احمد ناجح

انت شاعر تعرف جيدا ماهية الشعر وكيفية طرحه .

وهذا ما وجدته فى نصك الجميل .

وتمتاز ايضاّ بطول النفس الشعرى . وهذا قلما تجده عند البعض .

احييك على حلاوة حرفك وروعة فكرك ..

مودتى وتحيتى ...

النص للتثبيت بواسطتى

تقديراّ للحرف والشاعر ..

الشاعر الراقى احمد ناجح
تحيه طيبه لحضرتك
مررت من هنا فتوقفت عند روعة الكلمات
**********************
لو تعيشــى بلون جنـــونك فـــوق ألوفــك ألـــف عـــام
عمــــرى أطــوَل مــن ظنـــونك تحذفينــى مــن الكتاب
قلبـــى فيــه تريــاق سـمومك مهما كان عهـدك ضــلام
والولــد اللـــى افتــــكرتى ف يــوم كفــر الوقتـــى تاب
*****************************
دام الابداع ياعم احمد
تحياتى لحضرتك

» شرعك مايساويش