خان يخون اخوان

خان يخون اخوان
خـــــــــــان يخـــــــــــون اخـــــــــــوان كلمه قالها باسم زمان
فى حلقه واحده من برنامجه.. على صوته ورفع حواجبه
و قالها بكل ثقه و شجاعه.. من غير ما يخاف من الجماعه
وصف حال البلد فى كلامه.. ووصف حال المرشد و اتباعه
ضحك على الريس وخطاباته.. ماهو بجد ماينفعش يسيب افشاته
قاموا رافعيين عليه قضيه.. بتهمة ازدراء اديان و سب الاخوانجيه
راحلهم و هو لابس السلطانيه.. وحققوا معاه فى قضايا خرافيه
وطلع باسم من القضيه بفلوس.. ورجع برنامجه يثير النفوس
ضد اخونة مصر بأيد الاخوانجيه ..وضد ظلم الشعب بالاعلانات الدستوريه
اللهم امتنى على الاخوان.. كلمه قالها اخوانجى زمان
بينت قد ايه جهل انسان.. بإسلامه و دينه وايمانه بالاخوان
خان يخوا اخوان.. انا مسلم بس مش اخوان
انا انسان اعرف دينى..و اعرف ربى و اعرف رسولى
بس علشان مش اخوانى ..اعتبرونى خارج عن المله و عن اسلامى
اصل عندهم لو مش اخوان.. تبقى مشرك و كافر من قريش كمان
ليه ماتحكمش بينا بالعدل.. من غير تمييز وخيانه و غدر
ليه تبين للعالم اننا جهله ..وان رئيسنا بيشحت من اعداءنا
ليه يا ريس دى البلد بجد مليانه.. بس احكمها بالعدل بعيد عن الجماعه
حتلاقى ناس تحترمك لأسلوبك.. وناس غلطت فيك تيجى تبنيلك طوبك
ياريت تفكر قبل كلامك.. ده كلام دينك مش كلام اعدائك
ولو اتكلمت فكر بعقلك ..قبل ما تتكلم بكلمه تضرك
وتلاقى كلامك سلاح ضدك ..و ده بسبب خوفك من جماعتك
لو انت مصرى بجد حتعرف.. ان ارواح الناس كتير بترخص
قدام جماعتك و عشيرتك ..و تمييزك ليهم و عندك
ولو غلطت اعترف بغلطك ..لكن ماتقولش ان فيه صوابع بتحاوطك
وعلى فكره ياريس طرقعه ..الكؤس حرام و تبقى تسأل فيها المرشد العام
ممكن تكون انت غلطت ..فمش عيب اعترف انك نسيت
ومتخليش جماعتك تطلع ..تقول ده حط صوابعه بين الكؤس
.....................بقلمى...............
احمد محمد يونس