نص للحضور

برغم حضورك الغايب
ورغم مشاعرك الباهتين
ورغم كلامك الدايب
وطعم شفايفك الغاليين
ورغم غرابة الموقف
وأنا وإنتى بنتعاكس ف وضع جنين
برغم القوة والجبروت
سكوت جدى ف عز الصوت
بـ أدوق الشفتين
وأصرخ
الاقى عينيها رافضه تموت
يزيد ف الوصف موالى
ب لون الروز
وطعم الموز
وشقة كانتلوب أصفر
بتِكسر فيها طعم البن
وتحجيبه
بتمنع حد يتشاقى
ف تخلع باقى نظراتها
وترميهم على كتفى
ومن تحت البادى الشفاف
تهز ضلوعى ب الذكرى
اكون أسمر
تغنيلى
ومين ف السمر يحلالى
ب أدوب م الوصف ي خالى
ورغم ان السواقى ف بيتنا
كات مهجورة ع الاخر
دموعى وصلت الاخر
شربتيهم
سكرتى من حنايايا
يموت الوصل وتجينى
عرفتينى
عرفتى كنه تكوينى
حطام ساقية
وترعة م الزمن باقية
و كام برولو على كتافك
وحبة صبر ف جفافك
ولون أصفر على جفونك
بيفتح للقمر ضله
خضوعك للقمر خلى
شقايا ف صبرك الضعفان
بيتسلى
ويفتح ف الزراير طاق
يمَوت فيكى إعجازك
وتيجى تقولى وناسى
وأنا والله ما وناسك
أنا منك بقيت ناسك
وهترهبن
وهنسى كل أشعارى
ف يبقى الصبر إعجازى

#
نص للحضور
أحمد عثمان

جميل ما قرأت هنا
تقبل ودي
واحتلرامي

نص جميل حقا ...

دمت بكل خير

تحيتى لهذا الشعر الراقي و النص الجميل
أخى نورت المنتدى
تقبل مرورى المتواضع

أخى أحمد
مرحبا بك شاعرنا الجميل فى بيتك و منتداك و أهلك بك و بعملك الجميل
الذى يدل على شاعر قادم له صوره الخاصة و المدهشة
و لكم ما يوخذ على النص من وجهة نظرى هو الخروج العروضى أو الموسيقى
فى أكثر من موضع كما فى قولك مثلا ( بـ أدوق الشفتين
وأصرخ )
لكنك بقليل من إعادة الجلوس مع النص ستكون شاعرا يشار لك بالبنان
تقبل خالص ودى و مرحبا بك

نص جميل

تقبل مروري واعجابي

اسف جدا للتأخير لكنه ل ظروف الامتحانات ... أنا سعيد جدا جدا ب اراء شعرائنا الكبار وارجو ان اكون دائما عند حسن الظن وارجو الا تبخلوا علي شخصى الضعيف ب النقد دائما