شخصيه شداني

موضوع: شخصيه شداني الجمعة أبريل 19, 2013 4:59 pm

أنا نفسي مش عارف .. ايه اللي بيخليني .. عايز اتكلم معاكي
بجد مش عارف .. ايه اللي بينسينى .. الوقت وياكي
وكل يوم استنى .. لحد ما بييجى .. معاد ما بلقاكي
..
انا عمري ما اتحملت حد
بالشكل ده

ولا كنت اتخيل بجد
أكون كده

واغير عليكي من الهوى
ومن الندى

ازاى يا بالي تكون طويل
وارضا بده
..
ما تسأليش تاني
ازاي بكون هادي

ف وقت ما بتبقي
ويايا مش عادي

انا مش هاقول اكتر
من اني متحير

ورأيي كان فيكي
شخصيه شداني
..
يمكن عشان ثقتك
ذياده عن اللزوم

خليتنى ادور فيكي
وعنك كل يوم

وكل ما اتكلم
وياكي باتعلم

واعرف حاجات أجمل
نَسِت عيوني النوم
..
رضا عثمــان

موضوع: رد: شخصيه شداني السبت أبريل 20, 2013 12:48 pm

اخى الحبيب الشاعر

رضا عثمان

قصيده ولو تضع عليها اسمك لعرفت انها لك .

لونك وحرفك مميز وحييك عليه ونص اعجبنى فعلا ..

مودتى وتحيتى ..

موضوع: رد: شخصيه شداني السبت أبريل 20, 2013 3:47 pm

صدق الاستاذ عادل فلك لونك المميز وحرفك الذي لا يشبهه حرف

دام الابداع صديقي العزيز

موضوع: رد: شخصيه شداني السبت أبريل 20, 2013 5:32 pm

الشاعر الرائع رضا عثمان
تحيه طيبه لحضرتك
احيك على كلماتك الرائعه التى اسعدتنا الكثير
*******************
وقفت هنا للتأمل
*********
انا نفسي مش عارف .. ايه اللي بيخليني .. عايز اتكلم معاكي
بجد مش عارف .. ايه اللي بينسينى .. الوقت وياكي
وكل يوم استنى .. لحد ما بييجى .. معاد ما بلقاكي
***************************
الله الله على روعة الكلمات
تحياتى لحضرتك
دمت بخير وسعاده