نفسى مرة تحبينى

عمرى عدا ونفسى تحسى بيا
وقصة حبنا قبل ما تبتدى كانت منتهية
حياتى قضيتها بقصة حب كتمتها
شبابى وأجمل سنين ضيعتها
قلبى إتحرق من كتر الحنين
وعمرى إتسرق وأنا مستنى منك كلمتين
عينى كانت تسرح فى عينيكى وتقولهالك
وإنتى تهربى بعينيكى كإنك مش واخدة بالك
عينى تعبت من شوفة جمالك
نفسى ينطق صاحبى القمر
ويشهد قد إيه تعبوا عيونى من السهر
يشهد عن قصايد قلتها ياما فى جمالك
عن قصايد قلتها ياما فى دلالك
نفسى مرة تحبينى أو آجى على بالك
بنات كتير جم وقالوهالى
بس إنتى الوحيدة إللى سكنت بالى
إنتى الوحيدة إللى خطفتى قلبى
وأخدت منه حبى

الشاعر مصطفى حمتو
وحشتنا كلماتك و وحشنا وجودك
و اهلا برجوعك
نورت

السلام عليكم ورحمة الله وبركاته
أخي الكريم الشاعر / مصطفي حمتو
عمل جميل أخي
في انتظار جديدك

أستاذتى الوردة الحمراء شكرا لك على مرورك الغالى الذى أعتز به لا تنسى متابعة مواضيعى وإرشادى دمت بخير وود وسعادة

أستاذى عماد عبد الحكيم وعليكم السلام ورحمة الله وبركاته شكرا لك على مرورك الغالى وأتمنى منك متابعة مواضيعى وإرشادى دمت بخير وود وسعادة

استا ذي عادل عوض سند أسعدنى مرورك العطر شكرا لك دمت بخير وود وأتمنى منك أن ترشدنى دائما لأن هذا يساعدنى فى التحسين والدفع بى إلى الأمام شكرا لك