عيل سيس

أنا مش حبقي لوحدي

معايا كل البنات

معايا ساندي وهايدي

ومعاهم البت نجاة

وفي مرة من المرات

وانا قاعد فاتح شات

كتبتلي البت نجاة

انا عايزة اشرب شربات

يالهوي يالهوي يالهوي

انا مش بتاع جواز

ححلق للبت هايدي

وححب البت ايناس


وعلي جية الاستاذ


يا بني احترم نفسك

وخلي نصايحي معاك

اوهب للبت حبك

يا تشوفلي واحدة معاك

من عنيا يا استاذ


في الاول اعملها لايكات

واكتب ليها في كومنتات

بحبك انت يا بت زينات

دانتي جميلة ست البنات

وأفرض مجبتش سكة
وسيحتلي في الحتة

يبقي عليك وع الاشعار

اي كلام موزون في حوار

قول بحبك قول كرهتك

بس اوعي تسيبها يا حمار

ولو حد دخل عليا

وقالي بتعمل ايه

قوم ذاكر شوية

مش بتذاكر ليه

رد وقوله

انا عيل سيس يا بيه

الشاعر الفاضل بهاء الدين
تحيه طيبه لحضرتك
ياخبر ابيض عندك كل البنات دى
ياعمنا احنا فى ايطاليا بس غلابه اوى
خدنا معاك فى اى شغلانه حتى لواقعد غفير على الكمبيوتر هههههههههههههههههههههه
تحياتى يااستاذ بهاء

مجدى سرحان كتب:

الشاعر الفاضل بهاء الدين
تحيه طيبه لحضرتك
ياخبر ابيض عندك كل البنات دى
ياعمنا احنا فى ايطاليا بس غلابه اوى
خدنا معاك فى اى شغلانه حتى لواقعد غفير على الكمبيوتر هههههههههههههههههههههه
تحياتى يااستاذ بهاء

لا والله يا استاذ مجدي انا برئ
والبنات والله معرفهم دأنا غلبان
وشكرا علي مرور حضرتك الكريم

السلام عليكم ورحمة الله وبركاته
أخي الكريم الشاعر / بهاء الدين محمد
عمل جميل
وعنوان موفق
وصياغة قصصية محببة
في انتظار جديدك أخي

عماد عبد الحكيم كتب:

السلام عليكم ورحمة الله وبركاته
أخي الكريم الشاعر / بهاء الدين محمد
عمل جميل
وعنوان موفق
وصياغة قصصية محببة
في انتظار جديدك أخي

عليكم السلام
تشرفت بمرور حضرتك الكريم علي صفحتي المتواضعة

عادل عوض سند كتب:

الابن الغالى بهاء

اولا حمدا لله على سلامتك ومرحبا بك .

ثانيا . على فكره جميل . وانت كاتبه مش وحش

بس كنت عايزك تتك شويه على الوزن .

النص القادم ان شاء الله عايزه كامل ..

ماشى ؟ منتظرك يا بهاء على طريق التألق ..

مودتى وتحيتى ...

الله يسلمك استاذ عادل
وإن شاء الله اللي القصيدة القادمة تكون احلي
وحتك حاضر علي الوزن
شكرا لمرور حضرتك الراقي ولنصائحك الغالية