عنقود بينفرط

جوايا طفل عمال بيصرخ

عمال ينادى بعلو صوته
عمال يعيط
عمال ينادى ولا حد سامعه
الكل مشغول عنه فجأة
اه والمفاجأه لقى نفسه قاعد
فى الكون وحيد
قعدت جنبه
فتحلى قلبه
الطفل ده جواه رجوله
جواه شموخ
جواه حضاره
جواه تاريخ
الطفل ده
اسمر بلون الطين فى بلدى
اشقر ويشبه غصن قمح
على وشه حزن وهم بلدى
مظلوم لا حس يوم بفرح
سالته اسمك
مارضيش يجاوب
رد السؤال بسؤال غريب
قالى فكر انت حاول
بالنسبه ليك اقرب قريب
شتت كلامى
توهنى عنه ................خلانى افكر
طب يابنى قولى اسمك ايه؟
اسم ابوك او حتى عيلتك
باين عليك من عيله عاليه
ولبسك يدل انك بجد ابن ناس
مالك حزين؟
والدمع ليه مالى العنين
مين السبب انطق قوام
على وشه عرض ابتسامه
ومانطقش لسه أى كلام
يابنى عايز فلوس ؟
عايز مساعده؟
قال انجدونى من الطغاه
من ال سرقوا حلمنا وباعوه ببلاش
من ال فرقوا شملنا وسودوا كل الحياه
واصبحت ماتسواش
يابنى سنك عن الكلام ده مايوحيش
ياعمو انا اكبر كتير من اى سن فى خيالك
خليك فى همك
ابعد بعيد
وبصراحه انت مالك
هو انا جيت واشتكتلك
على رأى ستى ال قالت
مالكشى دعوة بحد وخليك ف حالك
ولا انت حشرى
ومادام يااخويا عايز تعدل
ابدأبحالك
ابنك مابين نهر السموم غرقان وتايه
وبنتك من السن ال عدى
قطر الجواز فاتها يارايق
حتى صحابك بالله عليك
كان حد فيهم رأف بحالك؟
عملى مصلح طب روح ياخويا اصلح ف بلدك
انطق واصرخ للى عمالين يقتلونا
خليك جرئ فى وش ال بيدبحونا
اعمل لبلدك اى حاجه
الناس بتتفرق
والموج خلى السفن تغرق
وماعدشى فينا اى حد
قادر يقول الحق يوم
عملى مصلح اجتماعى
وطبيب عيون
بتقولى عينك ليه بتبكى
دا ف كل يوم خمسين قتيل
متين مصاب
ودكاكين بتتقفل
تمانين حريقه
ف كل دقيقه
النشره خلت رمش عينى لا يوم غفل
وازاى انا ارتاح وانام
وبأى حق اشوف احلام
ممنوع عليا الحلم ابدا
طول مالخراب مالى البلاد
طول مالنيران متولعه
ممنوع عليا ألبس جديد
طول مالشوارع مليانه
بألف طفل هدومهم متقطعه
مكتوب عليا رغم سنى الصغير اعيش كبير
حامل لهم دى البلد
مكتوب عليا انى اشيب كل يوم
واخاف على المولود ال اتولد
ياعم فوق
مركبنا قرب يتقلب
وبيتنا قرب يتخرب
ف كل لحظه نشال غريب
عمال يسقط ف عنقود عنب بينفرط
قمح ارتوى من دمنا
قبل حصاده بينحرت
ياعم صحصح للخطر
الحلم راح مافيش صراحه
ولاحتى راحه
ومنين نلاقى الامان
الكل خاان الا القليل
القتل شغال ف الشوارع
قدام عنينا ومافيش دليل
والسرقه بقت طبعنا
ووالخيانه مالهاش بديل
انا عمرى يوم ماهنكسر ولا هنحنى
ولا يوم راح اقبل انى اذلها
هفضل باسم الاهى ربى شجااع كريم
خير الجنود
ايدك ف ايدى نجمع العنقود
ال انفرط
كفيانا كده ف بعضنا
ماتيلالا نقتل الغلط
الشعب ده قالوا عليه
ايام زمان ده شعب ياكل الزلط
ايه ال جرى؟
ايه ال جرى ايه ال جرى؟
..................................................
شاعر الاحساس
عبدالتواب الرفاعى

وحشتنا يا عبد التواب فينك من زمان
ما تغيبش علينا
احساس صادق وللاسف بقي احساس كتير منا
دامت الوطنية

وحشتونى والله والغيبه
كانت غظب عنى
انتم زى اهلى
شكرا ليك عادل عوض سند واحمد رجب معيط
مع الاحتفاظ بالالقاب

الشاعر الوطنى عبدالتواب الرفاعى
تحيه طيبه لحضرتك
الله على كلماتك الصريحه
التى تمس قلوبنا
نسأل الله سبحانه وتعالى ان يعود الامن والامان الى بلدنا الحبيبه مصر
تحياتى لحضرتك
دمت بخير وسعاده

شكرا حبيبى مجدى سرحان

جوايا طفل عمال بيصرخ

عمال ينادى بعلو صوته
عمال يعيط
عمال ينادى ولا حد سامعه
الكل مشغول عنه فجأة
اه والمفاجأه لقى نفسه قاعد
فى الكون وحيد
قعدت جنبه
فتحلى قلبه
الطفل ده جواه رجوله
جواه شموخ
جواه حضاره
جواه تاريخ
الطفل ده
اسمر بلون الطين فى بلدى
اشقر ويشبه غصن قمح
على وشه حزن وهم بلدى
مظلوم لا حس يوم بفرح
سالته اسمك
مارضيش يجاوب
رد السؤال بسؤال غريب
قالى فكر انت حاول
بالنسبه ليك اقرب قريب
شتت كلامى
توهنى عنه ................خلانى افكر
طب يابنى قولى اسمك ايه؟
اسم ابوك او حتى عيلتك
باين عليك من عيله عاليه
ولبسك يدل انك بجد ابن ناس
مالك حزين؟
والدمع ليه مالى العنين
مين السبب انطق قوام
على وشه عرض ابتسامه
ومانطقش لسه أى كلام
يابنى عايز فلوس ؟
عايز مساعده؟
قال انجدونى من الطغاه
من ال سرقوا حلمنا وباعوه ببلاش
من ال فرقوا شملنا وسودوا كل الحياه
واصبحت ماتسواش
يابنى سنك عن الكلام ده مايوحيش
ياعمو انا اكبر كتير من اى سن فى خيالك
خليك فى همك
ابعد بعيد
وبصراحه انت مالك
هو انا جيت واشتكتلك
على رأى ستى ال قالت
مالكشى دعوة بحد وخليك ف حالك
ولا انت حشرى
ومادام يااخويا عايز تعدل
ابدأبحالك
ابنك مابين نهر السموم غرقان وتايه
وبنتك من السن ال عدى
قطر الجواز فاتها يارايق
حتى صحابك بالله عليك
كان حد فيهم رأف بحالك؟
عملى مصلح طب روح ياخويا اصلح ف بلدك
انطق واصرخ للى عمالين يقتلونا
خليك جرئ فى وش ال بيدبحونا
اعمل لبلدك اى حاجه
الناس بتتفرق
والموج خلى السفن تغرق
وماعدشى فينا اى حد
قادر يقول الحق يوم
عملى مصلح اجتماعى
وطبيب عيون
بتقولى عينك ليه بتبكى
دا ف كل يوم خمسين قتيل
متين مصاب
ودكاكين بتتقفل
تمانين حريقه
ف كل دقيقه
النشره خلت رمش عينى لا يوم غفل
وازاى انا ارتاح وانام
وبأى حق اشوف احلام
ممنوع عليا الحلم ابدا
طول مالخراب مالى البلاد
طول مالنيران متولعه
ممنوع عليا ألبس جديد
طول مالشوارع مليانه
بألف طفل هدومهم متقطعه
مكتوب عليا رغم سنى الصغير اعيش كبير
حامل لهم دى البلد
مكتوب عليا انى اشيب كل يوم
واخاف على المولود ال اتولد
ياعم فوق
مركبنا قرب يتقلب
وبيتنا قرب يتخرب
ف كل لحظه نشال غريب
عمال يسقط ف عنقود عنب بينفرط
قمح ارتوى من دمنا
قبل حصاده بينحرت
ياعم صحصح للخطر
الحلم راح مافيش صراحه
ولاحتى راحه
ومنين نلاقى الامان
الكل خاان الا القليل
القتل شغال ف الشوارع
قدام عنينا ومافيش دليل
والسرقه بقت طبعنا
ووالخيانه مالهاش بديل
انا عمرى يوم ماهنكسر ولا هنحنى
ولا يوم راح اقبل انى اذلها
هفضل باسم الاهى ربى شجااع كريم
خير الجنود
ايدك ف ايدى نجمع العنقود
ال انفرط
كفيانا كده ف بعضنا
ماتيلالا نقتل الغلط
الشعب ده قالوا عليه
ايام زمان ده شعب ياكل الزلط
ايه ال جرى؟
ايه ال جرى ايه ال جرى؟
..................................................
شاعر الاحساس
عبدالتواب الرفاعى