كـُـنـت بـَـحـلــَـــم ...! (للطبيب الشاعر/ د.محمد رزق)

كـُــنـت بـَـحـلــَـــــم ...!

من كلمات

الطبيب الشاعر/ د.محمد رزق

كـُـنـت بـَـحــلــَـــــــــم ...!

واللا اقولــِّـك ..!

مش حَ اجيب للحِـلم ســـيرَة ...!

مش حَ اقول بَـحـلـَــم عشـــانِـك ..؛

أو عشانها ..؛ أو عشـــانـُـه ...

واللا هاحلف إنى صادِق ،

شـُـفت لون الحلم غامِــق ..!؛

وانتوا فاكرين انى بَـحـلــَـــم

م البداية لـَجل اعيــش ،

أو فِ يوم يطلعلى ريش ..!

والحقيقة إن انا من يوم ولادتى ،

كنت واخد عهد إنى ..

أبقــَى عاشِـــق ..؛

للجمال اللى ف كتابى ،

لمَّـا فكـَّـرت وقـَريتـُه ،

والمُحال اللى ف خيالى ،

واللى أسِّــــســت وبـنيــتـُـه ..!

كـُـنت فاكِر بالتـَّـمَـنـِّـى ..

إن انا فى الحلم دارى ..؛

وان جـوَّا الحلم جَـنــَّـة ..،

وان جـوَّا الجنة دارى ..؛

بس نار الناس طالِـتنى ،

شـَــعلِـلِـت جوَّايا نـــارى ..،

كـَـتـِّـفِـت فى الحلم حلمى ،

رغم شوقى وانتظارى ..!

شـُــفت جـوَّا الحلم موتى ،

قـُـمت باصرُخ من مرارى ...

آه ياقلبى ياللى زارع ،

فى الضـَّـباب بُـستان ورودك ..!

آاه ياقلبى ياللى عايش ،

واتلـَـغـَـى بـالخــوف وجودك ..!

كل عهد ف قلب خاين ،

وانتِ ليه تحفظ عهودك ..؟

رغم إن الناس فى كونـَـك ،

قصقـَصِـت حلمك وريشك ..؛

لو تعيش فى الحلم تانى ،

مستحيل حلمك يعيشك ..!

مِـد إيدَك هِـد حلمك ،

نافِــق الناس يحلمولـَـك ..؛

لو يموت حلمك بعلمك ،

مستحيل حَ يهِـدُّوهولـَـك ..،

قول مشاعر من لسانك ،

كلهم هيحبوا قولـَـك ..!

قول برافـو ، قول عَـفارِم ،

حُـط ناسَــك فى المَـفارِم ،

وافـرُم العهد اللى بـيـنكـُم ،

تِـبقـَى من أهل المكارم ..!

إوعَـى تعمل صَـح تانى ..؛

إوعَـى تِـنصَـح أى واحد ،

قبل ماتفكر وتِــدِّى ..؛

قول لنفسك إمـتـَى حَ اخـُـد ..؟!

خـُـد نصيبك من حياتك ، من حياتهُـم ،

من حياة الكـُـل .. حاسب ..!

وقتها حَ يكون حسابَـك ، من قلوبهم ،

بالمصالح والمكاسب ..؛

وتلاقيهم سَـقـَّـفولـَـك ،

رغم إن الحلم ضايع ..!

وامَّـا تِـبعِـد يـنـدَهولـَـك ،

لما تِـبقـَى انتَ اللى بايـِـع ..!

رَد قلبى بصـــوت جَــهورى :

مِـش حَ نِــقـدَر ..!

دا انت بـِتـرَتـِّـب أمورى ، حِـلم أكتـَـر ،

حِـلم أكبر ، حِـلم أخضــــــر ..!

حِـلم نابـِع من شعورَك ،

من كيانـَك ، من وجودك ،

من حياتك ، من خلودك ..

حِـلم طول عُـمرَك بـِتـِحـلـَم ..

إنـُّـه بـِـيفـَتـَّـح ورودك ,

والربيع يحضـُـن سنـينـَـك ،

والأمان يرسِـــم حدودك ..

هـوَّ دا الحـلم اللى قـُـلتوا .. إنـُّـه لِـيَّـــا ..؛

واللى وانتوا فيه عَمَـلتوا .. مِـيــت قـَـضـيـَّـة ..؛

خـَـدتوا ورد الحلم لـيكـُـم ،

سِــبـتوا شوك الحلم فـِـيـَّـا ..!

واتجَـرَح جـوَّايا حِلمى ،

واتهـَـدَم صَـرح الأمانى ..؛

حرب كانت رغم سِــلمِـى ،

تِكشِــف الـذلِّ وهــوانى ..؛

واتخـَـنـَـق جوَّايا صــوتى ،

عِـشـــت بـيـنكـُـم رغم موتـى ..؛!

كـنت باتـألـِّـم وســاكِـت ،

بـس باصــرُخ من ســكوتى ..!

كل يوم باســــتـَـنـَّـى تيــجوا ،

تفتحوا الباب الموارب ..

تفهموا إن اللى حاصِـل ،

مش حكاية م العجايب ..

تســألوا قلبى اللى عايش حلمه بـيـكـُم ،

اســألـوه .. يمكن يجاوب ...!

وافهموا قصة حياتى ،

والقساوة فى التجارب ..

كنت باحميكم بروحى ،

وانتوا قلتوا : ازاى تحارب ..؟!

حلمك انتَ خـَلـِّـيهولـَـك ،

إحنا مش حَ نهِـدِّهولـَـك ،

بس لينا كيان ولازم ...

كل حلم نـصُــدِّهولـَـك ..!

أمَّـا إخلاصَـك فى حُـبَّـك ..؛

حق مش حَ نـرُدِّهولـَـك ..!

هِـىَّ دى مأساتى فيكـُم ،

بـِعتوا قلب بيشتريكـُم ،

وان بـِعِـدتوا عَـنـُّه يصــرُخ ،

بالمحبة ويناديكم ،

جَـرَّبوا من غير وجودى ،

وابعدوا خارج حدودى ،

بس ماتلوموش عليا ،

لو حَ تِـتهـَـدِّم سدودى ،

بصـُّـوا جُـوَّاكـُم وقولوا ..

هوَّ مين غلطان ..؟ .. أمانة ..؛

سامحوا قلبى واغفرولوا ،

لو يبادلكوا الخيانة ..!

واسمحولى .. أقفِـل الباب الموارب ،

واقتل القلب اللى شايب ،

وارجع اقرا ..

فى الكتاب اللى ف زمانى ،

يمكن ابقـَى غير كيانى ،

حد تانى ..

يكره الحلم وسنينـُـه ،

ينكِر العهد ويَـمينـُـه ،

مانـتوا كنتوا مكـَتـِّـفينـُـه ،

جوَّا حلمُـه بالأمانى ..!

صدقونى .. م النهاردة ..

مش حَ اجيب للحلم سيرة ،

والدموع حَ تموت أسيرة ،

والمعانى اللى ف وجودى ..؛

تِـنسِــحِب لـَـكِن كـَـســـــيرَة ..!

واللى باقى من حياتى ،

لو حَ يحتاج حِــلم تانى ...

يمكِــــن احـلـَــــــــم ...!

يمكِــــن احـلـَـــــــــــــــــم ...!!

القاهرة فى يوم
الجمعة 1 فبراير 2013

مع تحيات
الطبيب الشاعر/ د.محمد رزق

مدونتى
http://elshaereltabib.blogspot.com/

اخى الشاعر الكبير

دكتور / محمد رزق

المبدأ لايتجزأ . والخلق الطيب لن تغيره الظروف .

وان تغيرت الناس من حولك فهذا ليس آخر العالم

ولكن التزامك بمبادئك واخلاقك التى تربيت عليهما

هما قارب النجاة . وازعم يا صديقى ان امثالك لاتغيرهم الظروف .

نص هادف ولغه سلسه ونظم من شاعر نادر وقدير .

مودتى ياغالى ...

رائع كما عهدتك شاعرنا ومبدعنا الكبير د/ محمد
استمتعت بهذا الإبداع الرائع والنظم البديع وبراعتك في السباحة علي تفعيلة الرمل (فاعلاتن)
سلمت اناملك وصح لسانك يادكتور

السلام عليكم ورحمة الله وبركاته
أخي العزيز وأستاذي الشاعر / الطبيب الشاعر
دائما ما تسحرني حروفك
وامكانيتك علي الغوص داخل الفكرة
وعرضها بهذه الصورة
إبداع
في انتظار جديدك دائما أستاذي

تِكشِــف الـذلِّ وهــوانى ..؛

واتخـَـنـَـق جوَّايا صــوتى ،

عِـشـــت بـيـنكـُـم رغم موتـى ..؛!

كـنت باتـألـِّـم وســاكِـت ،

بـس باصــرُخ من ســكوتى ..!

النص وكل حرف فيه لوحة شعرية بديعة بريشئ فنان محترف

يسحر العقول والقلوب انت شاعر جامد بجد .. تحياتي

فكر عميق
وشعور غارق في المطر
صح القلب وسلم القلم
فيض تقدير
تحياتي

د. السيد عبد الله سالم
المنوفية – مصر

عادل عوض سند كتب:: اخى الشاعر الكبير

دكتور / محمد رزق

المبدأ لايتجزأ . والخلق الطيب لن تغيره الظروف .

وان تغيرت الناس من حولك فهذا ليس آخر العالم

ولكن التزامك بمبادئك واخلاقك التى تربيت عليهما

هما قارب النجاة . وازعم يا صديقى ان امثالك لاتغيرهم الظروف .

نص هادف ولغه سلسه ونظم من شاعر نادر وقدير .

مودتى ياغالى ...

نعم ياأخى الأكبر الحبيب وشاعرنا السامق السابق إلى كل خير
المبدأ لايتجزأ ، ومن تعود العطاء لايستطيع المنع ،
ولكنها الآلام تجتاحنا أحياناً ،
ولانستريح إلا إذا وهبنا الله سبحانه القدرة على التعبير عن بعضها ،
دمت لى أخاً وصديقاً ومرشداً
ودام إبداعك وتواصلك الراقى
تقبل ودائماً خالص محبتى وجل تقديرى وباقات الورود

أخوكم المحب فى الله
الطبيب الشاعر/ د.محمد رزق

النص للتثبيت بواسطتى

تقديراّ للشعر والشاعر ...

الشاعر الفاضل والطبيب الحكيم محمد رزق
تحيه طيبه لحضرتك
مررت من هنا فوجدت كلماتك الرائعه
تقبل مرورى بكل حب وتقدير على اعمالك الجميله
التى اسعد بقرائتها
شاعرنا الفاضل
تحياتى لحضرتك
دمت بخير

الطبيب الشاعر محمد رزق

رائع ما كتبت

بارك الله في قلمك المعبر الجميل

نعم يادكتور محمد مازل للاحلام متسع

برغم ما نعانية

استمتعت بنصك أخي الكريم

ودي وتقديري

» وإرهـــــــــــــــــابــى ..!( للطبيب الشاعر/ د. محمد رزق )
» مَـوكِــــب نـــــــــــــــور ..(للطبيب الشاعر/ د.محمد رزق)
» مِــش وِلادِى .....! ( للطبيب الشاعر / د. محمد رزق )
» عـاش الغـَــبى ...! ( للطبيب الشاعر/ د.محمد رزق ).
» حِـكـــايـة مَـصــــــــر...!(للطبيب الشاعر/ د.محمد رزق)