كلمة واحدة بداية لحبنا

قلبى ميأسش رغم السنين
ولا عمره يئس ولا مات الحنين
وكل قصيدة كتبتها تشهد عليا
تشهد إنك حياتى وضي عنيا
من وسط سارة ونهلة ودعاء
قلبى قرر إن ليكى الإنتماء
قرر إن الحب إنتي
وإن الجمال كله إنتي
وكل شئ حلو هو إنتي إنتي إنتي
قلبى قرر إن صعب بُعدك
وإن نسيانك مستحيل
وإن مرض حبك
ملوش غيرك دوا بديل
من أول مرة شفتك
قلبى صابه سهم حبك
ومن أول ضحكةضحكتيها
فاضت مشاعر كنت مخبيها
نفسى تقوليها
وتنهى ألم السنين
نفسى تنطقيها وتعطفى على قلبى المسكين
وساعتها أحلى قصة حب تبتدى بين إثنين
أحلى قصة حب جمعت قلبين
وساعتها لما أحب أقولك بحبك
أكلمك بالمحمول
أقولك بحبك تقوليلى
وأنا بحبك على طول
ويوم ما نمشى على النيل
أقولك وتقوليلى اللى فى قلبك
فيشهد هو إن حبنا جميل
وفى يوم فالانتين أجبلك ورود جميلة
فأشوف فى عينك نظرة حب عميقة وطويلة
وبعديها نتجوز فى زفة وزيطة
وتقوليلى لما كنت بحاول أبعد عنك كنت عبيطة
ونخلف أحمد ومحمود وآلاء
ونربيهم على حب الوطن والدين والإنتماء
ويكبروا ونكبر يوم بعد يوم
وحبنا متأثرش فيه الهموم
شوفتى إيه اللى يحصل من كلمة واحدة
فا يالا قوليها ونبتدى الحلم واحدة واحدة

أستاذى عادل عوض سند كلامك دائما يدفعنى إلى الإستمرار والتحسن لا تحرمنى من مرورك ورأيك شكرا لك أستاذى دمت بخير وود وحب وسعادة