الحكاية يابلدنا

الحكاية يابلدنا
************
الخراب عشش فى عشه
الشعوب بتناديه
الحق بيغطى وشه
محدش بيسأل عليه
اللى هانوه واللى غشه
واللى قال حق ايه
الحكايه يابلدنا
لسه ايه نبكى عليه
****
اللي خانوا واللى هربوا
ح يحاكمهم القانون
اللى هلوا واللي حضروا
القانون دقوه فى هون
وبعودهم وبكلامهم
سدوا في خرم الاذوان
الحكايه يابلدنا
بكره جاى حكم الدقون
****
الكلام اصبح كتير
الودان مش عايزة تسمع
الرئيس ويا الغفير
اللى يفتى وال يمرع
معدش طيب او أمير
والشهيد راح مش ح يرجع
الحكاية يابلدنا
الميدان فيكى بيولع

مجدى سرحان كتب:

..........
الحكايه يابلدنا
لسه ايه نبكى عليه
......

السلام عليكم ورحمة الله وبركاته
أخي الكريم الشاعر / مجدي سرحان
صدقت أخي
هو ايه فاضل هنبكي عليه
في انتظار جديدك

استاذى الكريم وشاعرنا المبدع عادل غوض
تحيه طيبه لحضرتك
اشكرك على مرورك الراقى وندعواالله سبحانه وتعالى
ان يعم الامن والامان بلدنا الحبيبه مصر
ويبعد عنها من لايحسن ادارتها يارب العالمين
استاذى الكريم تحياتى لحضرتك
دمت بخير وسعاده

الاستاذ الفاضل المبدع عماد عبدالحكيم
تحيه طيبه لحضرتك
الاجمل هو مرورك الكريم وكلماتك الرائعه التى اسعدتنى الكثير


إحتياج القلب غفوه ...
إجتياح الغفوه ..
خوف
هي لقطة عمر باهت..
سرسبت ..
شكل الحروف’’
--
أمموها الضحكة لما
كنا فيها صدفه لمه
يعني ايه لو تلقي ضمة
م الحبيبة يبان كسوف
--
فصلوا الأحزان عليها
لخبطوا الفرح ف عنيها
قلنا غيبوا
قالوا فيها
لقطة من أجل الضيوف
استاذى الكريم
دمت مبدع ورائع
تحياتى لحضرتك