ولا أي اندهاش

ولا أي اندهاش
----------

اللي يسمع عننا
غير اللي عاش
اللي شاف المر
عمره م يدوقه ببلاش
و أنت فاكر صبرنا
خوف ... و انكماش
اللي قبلك قال كده
و أهو راح مجاش
لو هتنسي يوم وعودك
احنا أبدا منسيناش
و احنا ملناش ف الخراب
كلا ... و حاش
ده احنا رجالة بلدنا
مش ورق و لا أبلكاش
و احنا عايزين حقنا
قبل ما نطلع معاش
احنا وقت الجد ثورة
و الرجال ميهمهاش
عارف ايه اخر الطناش
لحظة غضب
أو ...... الانتعاش



أشرف البنا

الشاعر الجميل..أشرف البنا..دائماً متميّز في تكثيفك للموضوعات دون إخلال أو تفريط وبأسلوب جميل وموسيقى واضحة...إنت أجمل حاجة فيك( إنّك بتجيب مـ الآخر) .
تسلم ياشاعر ويسلم إحساسك