فرح النسناس

فرح الِنسنَاس
***********
قالوا فى الجنينه فَرَحْ
والفَرّحْ نوره سرح
فوق الشجر وأنطرح
وفيها لعب ومرح
**********************
قرود بتتنطط
و بط بيعطعط
درفيل و بيظأطط
للفرح قلبه انشرح
*********************
سَمَعنا زغروته
أتلم ليها الناس
جمعت قلوبهم سوى
غزاله .. على نسناس
و فيها قلب انجرح
************
ظهر جنان الاسد
الكل كان محتاس
وقف وقال الاسد
الخل داب في العسل
وجع بطون الناس
يا أمنع شرور الحسد
يا يموت بقى النسناس
ويبقى موته مباح
*********************
جالوا القرود شايفين
غضب الاسد فى العين
يزئر وصوته حزين
ونابه بان شبرين
حزين على اللى راح
************
الحق لك ياكبير
نِسنَسنا لسه صغير
مالوهشِي فى التقدير
فى الحب كان بيغير
فاكر غابنتا سداح
****************
ضحك عليه غزلان
جمال عيونهم بان
النظره قالبه كيان
نسناس صغير غلبان
العفو والله سماح
**************
وقف وقال الملك
الحق ع الغزلان
وقع فى وسط الشبك
فى حبه كان هيمان
بالسهم صابه رماح
***********************
رد وقال نسناس
أنا اصلى جسمى صغير
فى الغابه ليه بنداس
تحت القدم ياكبير
ازعق بصوتى وراح
***************
انا قولت احب غزاله
ليه الاسد بيغير
وفى سرتى تحكوا حكايه
يتغنى بيها الطير
رفرف عليا جناح
سايب في قلبي جراح
يا قلبي توب وإرتاح

استاذى الكريم والشاعر المبدع عادل عوض
تحيه طيبه لحضرتك
اشكرك على مرورك الجميل الذى يشرفنى دائما
نعم يااستاذى النسناس ح يروح فين وسط الاسود
لكنه باين انه على درايه بما يحدث خارج الغابه
ووجد ان الاحترام ليس موجود لعدم وجود كبير هههههههههه
تحياتى وتقديرى لحضرتك
دمت مبدع