خمسة قلق

موضوع: خمسة قلق الجمعة مارس 08, 2013 2:10 pm

خايف اصحي فى يوم الاقيني فى المريخ

قلقان على الجغرافيا خايف عليك يا تاريخ

يا رايح على الجيزة بصلي على الهرم بصة

لو لسه صامد مكانه بالله بوسهولي يا شيخ

وقول لابوا الهول رغم مناخيرك المكسورة

لو مرفوعة لسه راسك تبقي الراية منصورة

ولو نيلنا الدهب بيجري ما وقفش م التعب

قله احنا فى الميدان مستنين من زمان صورة

ناصر اللي اتهزم ومات وبرده ما ماتش

والتعلب اللي انتصر لكنه برده ما فازش

والظالم اللي اتسجن والشعب هو السجن

واليوم اللي مالوش ملامح لا افا ولا وش

خايف اصحي فى يوم الاقيني فى خبر كان

خايف اوي ع التاريخ وعليك يا بلد قلقان

ليغيروا فى الخريطة ويكتبوا فى التاريخ

ان اللي بنا مصر فى الاصل كان اخوان

موضوع: رد: خمسة قلق السبت مارس 09, 2013 4:31 am

السلام عليكم ورحمة الله وبركاته
أخي الكريم الشاعر /أحمد رجب
أعشق تلك النصوص المفعمة بالروح المصرية
والوجع المصري
أراها ترسم بسمة علي الرغم من واقعنا الصعب
في انتظار جديدك أخي

موضوع: رد: خمسة قلق السبت مارس 09, 2013 6:54 am

أخي الحبيب الشاعر أحمد رجب معيط..كان لي شرف قراءة نصّك الموجع على الفيس بوك من قبل وأنت تعرف مدى إعجابي بالعمل..فقد عبّرت بكل بساطة ودون تعقيد عن خوفنا جميعاً كمصريين مما وصلت إليه أحوال البلاد والعباد..أدعو الله أن يُزيح عنّا الغُمّة ويفرّج الكرب إنه ولي ذلك والقادر عليه.
تحياتي يا شاعر

موضوع: رد: خمسة قلق السبت مارس 09, 2013 4:03 pm

عماد عبد الحكيم كتب:: السلام عليكم ورحمة الله وبركاته
أخي الكريم الشاعر /أحمد رجب
أعشق تلك النصوص المفعمة بالروح المصرية
والوجع المصري
أراها ترسم بسمة علي الرغم من واقعنا الصعب
في انتظار جديدك أخي

وعليكم السلام ورحمة الله وبركاته

شرف كبير لي مرور شاعر كبير مثلك على نصي المتواضع

متابع جيد لنصوصك انا من ينتظر منك الجديد .. تحياتي

موضوع: رد: خمسة قلق السبت مارس 09, 2013 4:06 pm

رضا محمود كتب:: أخي الحبيب الشاعر أحمد رجب معيط..كان لي شرف قراءة نصّك الموجع على الفيس بوك من قبل وأنت تعرف مدى إعجابي بالعمل..فقد عبّرت بكل بساطة ودون تعقيد عن خوفنا جميعاً كمصريين مما وصلت إليه أحوال البلاد والعباد..أدعو الله أن يُزيح عنّا الغُمّة ويفرّج الكرب إنه ولي ذلك والقادر عليه.
تحياتي يا شاعر

صديقي العزيز يسعدني دائما مرورك وانتظر منك دائما النصح والتوجيه اعجابك يزيدني شرف وادعو الله معك ان يرفع عننا تلك الغمة .. تحياتي

» بعد مرور خمسة اعوام من ذكرى "السلم"
» وقفة خمسة وعشرين
» أحمد فضل شبلول و خمسة شعراء
» إلا خمسة ...قصة قصيرة ...محمد يوسف
» اقتل خمسة تعيش سعيدا