انترنت.. وانترنت- طارق منيب

هي دي دنيا جديدة علينا
ولا واقعنا صحيح مكتوب
لا بنستنى فـ فيلم يجينا
ليه مانشوفه عـ اليوتيوب

وإذا اشتقت تشوف فـ الغايب
نًزل وافتح في السكايب
وانت تشوفه وهو يشوفك
وانت وهو بعيد وحبايب

أما الدنيا فـ الفيسبوك
كله يرترت كله يُعك
مش حاصَنت واسمع سرك
لأ راح حافتح عـ الفيسبوك

أنت ياواد وانت يابت
أصل دي نعمة لنترنت
لو تصونوها تنولوا العلم
لو تسيئوها تكون الضد

كات أيامنا نروح العتبة
كنا نبيع فـ الكتب الدايبة
نشتري برضه فـ أقدم منها
علشان نقرا نجيب التايهة

والمكتبة تطردنا ماإحنا
قاعدين لزقة أمينها فـ ريحنا
أصل أمينها له ميعاد برضه
جه ميعاد مشيه يقوم يكرشنا

أما التليفزيون قناتين
بس حقيقي يسُر العين
واحدة بعربي وتانية أفرنجي
وبنتخانق عـ الاتنين

أما الراديو ده موضة قديمة
جدي وجدك أصل وقيمة
يسمعوا صوت والصورة بدون
واحنا نحب نروح السيما

أما السنيما تلات درجات
أحسنهم برضه فـ درجات
صالة ولوج بلكونة مابينهم
بس الصوت واطي بدرجات

كنا بنبعت فـ الجوابات
لأ لأ طبعاً مش أيميلات
ساعي البوستة يوصًل فيها
تاخد أيام أو سنوات

أما صاحبنا العالمِ يسعى
أنه يوفر ييجي كام مرجع
لما يراسل جامعة ترد
بعد شهور فبينسى المرجع

بقى دلوقت يحًمل كتبه
يدفع فيها بكارت الفيزا
يكمل بحثه ويسيبنا أحنا
نلعب شات والجهل ركيزة

انترنت وانترنت
أصل الدنيا انترنت
ناس عايزاه للنور والعلم
ناس عايزاه للشات والفيلم
................................

زجلية جميلة وهادفة
بالفعل اعجبتنى
تقبل تحياتى استاذ طارق
Very Happy

بارك الله فيك ياأستاذ/ حسن

فخور بمرورك وتعليقك

مودتي وتقديري

اخى وحبيبى الشاعر

طارق منيب

لا يوجد وجه شبه بين الماضى والحاضر .

ولكن لكل زمان جماله وعاداته . ولكل زمان مميزات وعيوب .

وضحت كل ذلك فى نصك الجميل وحرفك البهى .

مودتى وتحيتى ...

نصك جميل وافكارك جديدة

وهذا هو الشعر وهو ده التجديد

دام الابداع

عادل عوض سند كتب:: اخى وحبيبى الشاعر

طارق منيب

لا يوجد وجه شبه بين الماضى والحاضر .

ولكن لكل زمان جماله وعاداته . ولكل زمان مميزات وعيوب .

وضحت كل ذلك فى نصك الجميل وحرفك البهى .

مودتى وتحيتى ...

أستاذي الحبيب عدولة

المقارنة صعبة وبالطبع أشعر إن إحنا كان لدينا إمكانيات متخلفة جداً للحصول على الترفيه والمعلومة.. والجيل الحالي طبعاً لديه الكثير.. ولكن أرى أن التقنية الحالية سلاح ذو حدين..

ياريت نركز في الجانب الإيجابي منها

مودتي يا أستاذي

أحمد رجب معيط كتب:: نصك جميل وافكارك جديدة

وهذا هو الشعر وهو ده التجديد

دام الابداع

بارك الله فيك ياأستاذ/ أحمد

أعتز بشهادتك وتقديرك