مشتاق(غنائية من فن الواو)

مشتاق وبالقلب حيرة ...لو قلبه ماس كان درانى
عاشق لبحر وبحيرة ... اصل الهوى اسكندرانى
يانسايمه هلى وتعالى
ليه موجه ع الشط عالى
يخطر بكبر وتعالى
ولا رق مرة ودوانى
مشتاق ...................
ياعيونه ليه تستخبى ... تحت الرموش الكحيلة
سهمين وراشقين ف قلبى .. لاكن ماباليد حيلة
ياللى عينيك ململونى
وسهرت واتهم لونى
ياعيونه ماتـهمـلونى
ليلة وع تجونى تانى
مشتاق.................
عود الريحان غار يانرجس... والورد ميل باسيدك
والعشق ف القلب نار جس...ارحم أنا ف عرض سيدك
ياللى نت بالشوق قايدنى
يابـدر بالـنـور قايدنى
بالعشق رق وقايضنى
ليه ف العناد مغلوانى
مشتاق................
ليك القصايد غازلها ... بتياب من العشق نابك
قلبى محاسنك غازلها.. ماطل بالبسمة نابك
عشق الحلال قلبى رايد
ياللى جريت ف الورايد
لاهديك زهور الورايد
لو يوم قليبك نادانى
مشتاق................
رايدك فى حلى وحلالى .. ولايوم أهاود شيطانى
والحسن دا للى حلى لى .. رايده وماريدشى شى تانى
باتمنى لو يوم فرحنا
السعد يسكن ف ريحنا
ماتعلى أمواج ف ريحنا
لما ننول الامانى

‏

جميل جدا يا استاذ حسن

سلمت يدك و فنك الراجي - الراقي - و اروح الملم أوراجي - أوراقي -


محبتي

جميل ما خط قلمك ..... أبدعت .... تقبل مروري.... مودتي