رسالة الى سيادة الرئيس

رسالة الى سيادة الرئيس
يا سيادة الرئيس ...
يا زعيم ...
إنت طيب ...
بس مصر – اللحظة دية- عايزه واحد .. مش رحيم
عايزة واحد بس راضع.... دم امه
حد واكل لحم جسمه
كل حته ف - البلاد دى - جوا دمه
وال عدى .. وال صاير.. وال جى – يبقى همه
عيزه قاسى .. ف الصميم
حد يقطع فى الطغاه
حد يعصف بالجناه
حد يبنى بإيد ...وتانية ع السلاح
حد يمسح ف الجراح
******
انت حالم...
بس شعبك – بعض شعبك-
عايزه واحد مش حليم
يا زعيم ..
مصر عايزه – بعد ثورة-
عايزه حد يكون لئيم
ريح وتعصف بالهشيم ...
بالجدور السارحة تغرز فى الجحيم
بس انت ... كالنسيم...
******
يا زعيم ..
الرياسة مش خنوع
والقيادة مش خضوع
الرياسة والقيادة عايزه قلب يعيش ف عالم ....
تانى ... اكبر م الضلوع
قلب نابض ... بالصرامة
بالجراءة والخشوع
الليالى السودة طالت.. راح تفيدها ايه ... شموع
والهموم النايحة صالت...راح يفيدها ايه ... دموع
والطيور الجارحة حامت..
ف الحوارى .. والمزارع.. والمصانع .. والنجوع
مين يصيدها .. يا زعيمنا.. الا ماهر
مين يصيدها ... الا شاطر
مين يرجع فرح امة .. الا طاهر
******
يا سيادة الرئيس ....يا زعيم..
إنت مركب وسط بحر
بس موج البحر عالى .. وانت سهل
وال سهل عايزله نهر
بس مصر..!!
لو ناسيها... بس إسأل قول يا دهر...
راح يقولك كل حاجة..
لو ما ردش .. قول يا قهر
حد شاف ف الدنيا دية .. قد مصر
انت عاقل.. بس قابلك سابوا تركة م الهموم
لو توزع .. يوم بيوم
تكفى عمر...
سابوا تركه عليك كبيرة
خلطة ممزوجة بإيد شيطان مريرة
والحكيم ايه راح يفيده... لو يجادل وسط جهل
******
يا زعيم .. انت عاقل ..
والحكيم وسط الديابة.. ايه هيسمع
لو ف ايده الف حكمة .. مش هتنفع
الديابة عايزه سبع ..
الديابة عايزه مدفع ..
لما تسمع صوت أسودها.. لحظة تخلع..
بس انت .. مش هقولك .. أصل تزعل
ولا اقولك .. ايه هيمنع
انت طيب..... بس طيبتك.. مش هتردع
******
يات زعيم...
انت شعبك ال جابك
إنت كل الشعب حِسبة .. من حسابك
انت ملك الكل ... ما نتش ملك اهل
والطريق الصعب يبدا خطوة صعب
ثم خطوة .. ثم يبدا ... كله سهل
يبقى ليه الخوف فى عينك
يبقى ليه الرعشة باينة فوق جبينك
يبقى ليه الرعب واضح.. بين قرارك
انت طيب ... بس طيب دى لحالك
اما احنا ... ايوا احنا..
احنا أكبر من خيالك
احنا اكتر من كيانك
******
يا زعيم ..
الرياسة مش يا دوب حبة كياسة
مش يادوب حبة سياسة
الرياسة عايزة قوة
عايزة سُلطة
عايزة قلب يشد بكرة للنهاردة
عايزة عقل يخش قلب الضلمة يخلق.. الف شمعة
عايزة فكر يلم نور الشمس .. ثوب
عايزه غنوة فى القلوب
عايزة مشرط .. بين ايدين جراح محنك
عايزة مدفع يبقى جنبك
طلقة تقتل بيها واحد من عدوك
طلقة تحمى بيها ارضك
تحمى شعبك
تبنى بيها مجد (مصرك)
******
جمال نصير فى 3/2/2013

ضياء الدين البري كتب:

السلام عليكم .. كلام من قلبي
رائعه استاذ جمال
شرفت بمروري الاول
تحياتي[b]

اخى ضياء .. شرفت بمرورك الاول .. الاروع هو مرورك.. اتمنى ان يسمعنى قبل فوات الاوان

سكنت روضك بعض وقت
فمنحني عمرا بأكلمه ..
قد تعلمت هنا درسا في العشق
ما مر علي في كتب الحياة .
مودتي
د. السيد عبد الله سالم
المنوفية - مصر

الاستاذ الشاعر جمال نصير
تحيه طيبه لحضرتك
احييك على كلماتك الصادقه التى شرحتها بصوره بسيطه ورائعه ولقد تكلمنا فيها كثيرأ و تكرار
ولم يستجب احد
ونبذونا وكفرونا وخرجونا من طائفة المسلمين

استاذى الفاضل اتفق معك
*****************
يا سيادة الرئيس ...
يا زعيم ...
إنت طيب ...
بس مصر – اللحظة دية- عايزه واحد .. مش رحيم

استاذ جمال بكل صدق الرئيس مرسى داعيه متفوق

لقد سمعت خطبته هنا فى ايطاليا انا اتمنى ان الرئيس

مرسى يبقى وزير للاوقاف اوشيخ للازهر اومفتى للجمهوريه

اثق ان هذا الرجل فى اى منصب من الثلاثه يحقق العداله بما يرضى الله

اما رئاسة الجمهوريه فهى لعبة مختلفه عن طبيعة واخلاقيات الرئيس مرسى

استاذى الكريم بلدنا مصر عاوزه فعلا الرجل الذى وصفته فى قصيدتك

***********************************
استاذى الفاضل
تحياتى لحضرتك
دما مبدع

السيد سالم كتب:

سكنت روضك بعض وقت
فمنحني عمرا بأكلمه ..
قد تعلمت هنا درسا في العشق
ما مر علي في كتب الحياة .
مودتي
د. السيد عبد الله سالم
المنوفية - مصر

استاذنا الشاعر الكبير .. دا بس تواضع منك يا استاذ والله .. وعظمتك فى تواضعك.. لا حرمنا الله منك

مجدى سرحان كتب:

الاستاذ الشاعر جمال نصير
تحيه طيبه لحضرتك
احييك على كلماتك الصادقه التى شرحتها بصوره بسيطه ورائعه ولقد تكلمنا فيها كثيرأ و تكرار
ولم يستجب احد
ونبذونا وكفرونا وخرجونا من طائفة المسلمين

استاذى الفاضل اتفق معك
*****************
يا سيادة الرئيس ...
يا زعيم ...
إنت طيب ...
بس مصر – اللحظة دية- عايزه واحد .. مش رحيم

استاذ جمال بكل صدق الرئيس مرسى داعيه متفوق

لقد سمعت خطبته هنا فى ايطاليا انا اتمنى ان الرئيس

مرسى يبقى وزير للاوقاف اوشيخ للازهر اومفتى للجمهوريه

اثق ان هذا الرجل فى اى منصب من الثلاثه يحقق العداله بما يرضى الله

اما رئاسة الجمهوريه فهى لعبة مختلفه عن طبيعة واخلاقيات الرئيس مرسى

استاذى الكريم بلدنا مصر عاوزه فعلا الرجل الذى وصفته فى قصيدتك

***********************************
استاذى الفاضل
تحياتى لحضرتك
دما مبدع

استاذ مجدى.. سعيد بزيارتك .. وربنا يصلح حال مصر برجل يستطيع ان يحكمها صح .. الحكاية مش مين ال يحكم لكن الحكاية مين ال يصلح حال البلد ونحس اننا عايشين زى خلق الله مش شايفين المستقبل هيودينا فين.. شكرا على مرورك الكريم

محمد عبد الواحد كتب:

رسالة صادقة من شاعر مخلص جميل

بحروف مبدعة أحييك عليها شاعرنا الجميل جمال نصير

شكرا يليق بك اخى محمد .. تشرفت بزيارتك ... شكرا لك

رسالة ياريت توصله

واعترض على كلمة زعيم

تقبل ودي

أحمد رجب معيط كتب:

رسالة ياريت توصله

واعترض على كلمة زعيم

تقبل ودي

يا اهلا اخى رجب ... اعترض كما شئت .. ولكنه بالنسبه لى انا على الاقل فهو زعيم .. وهى فعلا وصلته قبل ان اكتبها

حسن الجمال. كتب:

نص رائع شاعرنا القدير
سلمت اناملك
وبرضه باعترض على كلمة زعيم
هو فقط رائيسى المنتخب الذى احترمه واتمنى ان تصله رسالتك ويعمل بها لكى يصير زعيما لأن
الرياسة مش خنوع
والقيادة مش خضوع
زى مانت ماقولت
احييك على نصك اخى جمال
مع خالص محبتى فى الله

اخى ابو على شاعرنا الجميل .. رسالتى للشعب قبل ان تكون للرجل المغلوب على أمره.. مصر يا صديقى فى حاجة لعشرة زعماء الان ولن يفعلوا شيئ .. لان أرضية الحكم سيئة..هدانا الله .. وايضا هو زعيم ... لانه جاء بإرادة شعبية رغم حقد الحاقدين منهم