مدينة الأوهام

كان حلمك سامح بمرورك
ومهيىء كل ملامح وشك
مليان بالفرحه
وبتعبى الشوق جواك سلامات
فارد منديلك بجبينك
بتلم تعب وغياب الغربة دموع
وبتعصر/ ف الوقت الباقى
بتسبيله رمشين / وتغميضة عين
مشتاق للولد اللي بيطوح
وبيتهته عمرك
والبنت اللي بتخجل منك
مع إنك / كنت إمبارح
بتزيل عنها حاجات
مش ممكن تتقال
والصابرة المشتاقة / ليوم إنك
تخلع خلجات الغربه
وتقولك يأبو عواد
كتك ضربه
متسبناش تانى وتعاود للبندر
للبنت المكشوفة رجليها
للعالم نظرة....
والولد المسطول بسيجارة (بنجو)
وتعميرة فسق بتتباع م الفجريه
أوترجع لبهانه العجميه
وتخبى الماضى في غيابك هم
أتهزت فجأة مدينة أحلامك
وأتسرسب دمك
بأدين إزعاج السلطة
ولقيت روحك بين دوسيهات عداد
الحلم السامح بمرورك
مع جوالين إهمال

متسبناش تانى وتعاود للبندر
للبنت المكشوفة رجليها
للعالم نظرة....
اولا تسمحلى استعير منك السطرين دول
وثانيا حاجه حلوة بجد والله
امتعتنىومتعتنى
تسلم هو ده الشعر مش البطيخ ال عمال يتنشر
شاعر الاحساس
عبدالتواب الرفاعى

جميل يا استاذ ماهر ما كتبت

اراك تلبس رداء جديد فى الكتابة

جميل التنوع .. ابدعت

عبد التواب الرفاعى كتب:: متسبناش تانى وتعاود للبندر
للبنت المكشوفة رجليها
للعالم نظرة....
اولا تسمحلى استعير منك السطرين دول
وثانيا حاجه حلوة بجد والله
امتعتنىومتعتنى
تسلم هو ده الشعر مش البطيخ ال عمال يتنشر
شاعر الاحساس
عبدالتواب الرفاعى

اشكرك استاذ عبد التواب

شرف لي تواجدك

والنص للجميع

كل الود والتحية

أخي الشاعر الرائع ماهر حامد

قصيدة رائعة تملك كل ادوات الجمال

قدمت فيها مزجا جميلا من الماضي الذي اسقطته علي الحاضر ببراعة

موسيقاها عزبة سلسة

كم اعجبتني هذة الحوارية التي ضمنتها قصيدتك :

والصابرة المشتاقة / ليوم إنك
تخلع خلجات الغربه
وتقولك يأبو عواد
كتك ضربه
متسبناش تانى وتعاود للبندر
للبنت المكشوفة رجليها
للعالم نظرة....

أحييك أخي ماهر بما كتبت فأبدعت وأمتعت

لك خالص التقدير والاحترام

تثبت القصيدة الرائعة تقديرا وأعجابا

بالفعل نص رائع أخي ماهر
سلمت يمينك

» مدينة الحب
» مدينة الغرابة
» مدينة مفيش
» احتضار مدينة
» مدينة الاحزان@كلمات هيثم باشا