قطار بدراشين

حادث قطار اسيوط
زي حادث بدراشين

هناك اطفال بتموت
وستات مقتولين

وفي الاخر مين يتحاسب
نحاسب سواقين

طاب ليه

طاب متحاسب مسئولين

متحاسب الوزرا اللي قاعدين

ولا احنا ما بنحاسب غير الصغيرين

انما الكبار

اوعي تتكلم ع الكبار

الكبار بيحققوا استقرار

ولو اتكلمت حرميك ورا الاسوار

لا ياعم مش حتكلم ع الكبار

حتكلم علي دم شهداء احرار

كام شهيد يا سيادة الرئيس
ماتوا في عهدك

هات ورقة من الكراريس
واكتبلي ايه جهدك

للاسف انت مجبتش حق حد

ومحسبتش اي وزير بجد

وبتقولي خلينا في الغد

لايا رئيس مش حستني للغد

ومش حجتمع معاك يوم الحد

اصل كلامك ما عدش ينفع

وفلوسك ما عدتش تنفع

حتدي للشهيد10الاف والمصاب5الاف

كلامك كله ع الفلوس والله ده استخفاف

المسألة مش مسألة فلوس

المسألة مسألة راحة نفوس

البدرشين نسخه شبه الاصل من اسيوط
البدرشين قطر اتقلب وميت شهيد
وناس بين الحياه والموت
البدرشين مش مشكله
البدرشين مش قنبله
دى قريه هاديه بس النصيب جابها هنا
سواق ينام وسواق قلب
ومسئولين ياه ع العجب
مع كل قطر بيتقلب
الف بيت بيتخرب
والله عقلى كتيييييييير تعب
مين السبب؟
ليه كل مره الغلطه تبقى غلطته
والبلوة تبقى بلوته
اشمعنى هو
وهو مين؟
انسان بسيط حلمه الوحيد
ينهى أوام ورديته
الكل عارفه جوه شارعه
مشهور بطيبه ف حتته
وتقولوا هو........
حرام عليكو البلوه دى مش بلوته
البلوة بلوة قطر مل
عمال يصفر ع المحطه
لو كان عليه
كان طفش
ركاب خنيقه
وقضيب عفش
القطر مل من حكايات الشباب
ومن روايات الشيوخ
كل ال فيه عمالين بيشتكوا ضيق الحياه
كل ال راكبينه بيقولوا اه
اشمعنى هو مايشتكيش
علشان حديد
دالى بيحصل يلين معاه اجمد حديد
وعود كتيره وامنيات
ومافيش جديد
ايه الجديد؟
كم فرد جوه النظام اتغيروا
ومليون فقير زى ماهما حلمهم يطوروا
ويلبسوا لبس جديد
الفول مجبس جوه معدات من فولاز
وسنان عنيده يتكسر بيها الازاز
القطر مل من الانتظار
خايف يقف يوم والعطله يبقى سببها جاز
وذنبه انسان بسيط
يشيل بلاوى الكبار
القطر مل م الانتظار
وقضيب حزين
مر السنين جوه منه معلمين
حد يجاوبنى
بالله عليكوا
مين السبب؟
سواق بيحلم انه ينهى ورديته
ولا الكبار المسئولين
بلاغ مقدم للنيابه منى انا
الحساب بدأ خلاص
قطر الصعيد والبدرشين
والف قطر بيتقلب
والف بيت بيتخرب
بلاغ مقدم للنيابه
والخانه فاضيه اكتبوا
مين متهم ........ومين برئ
ومين بيقتل فينا يامصريين
......................................
شاعر الحب الثائر
عبدالتواب الرفاعى

اشكرك استاذ عبد التواب علي مرورك الكريم وعلي القصيدة التي عبرت عن الحادث الاليم

محمود جمعة كتب:

اخوتي الكرام

الامر أكبر من ذلك ،، هل لو عاقبنا الوزراء والمسئولين سيكون خط

السكة الحديد آمن ؟؟؟ لا والله

المشكلة في سنوات تركنا مواصلات الفقراء دون صيانة ودون تحديث

ودون وضع خطط الامان لهؤلاء المنكوبين .. هل تتخيل حجم الملايين

التي منحتها موسسة واحدة مثل الاهرام هدايا ورشاوي للمسئولين

رقم لا يقل عن 200 مليون .. كانوا كافيين يصلحوا كم قطار ،، ويركبوا

كام مزلقان ويحموا كام واحد من الموت وكام مصاب من العجز

طيب حنقول اهو غار في داهية خلينا نبص لليوم

كم هيئة ومؤسسة مثل هيئة السكك الحديدية تحتاج الي الملايين

لاعادتها تصلح لحفظ حياة المصريين .. كم مصري سيموت

قبل ان نستطيع توفير ما نحفظ به حياتهم

كم فقير سيموت في مستشفيات لا تصلح ،، وطرق عليها اعلي معدل

حوادث ،، ومراكب صيد لا يكشف علي صلاحيتها أحد ،، وقطارات

قاتلة اصبحت أقرب الطريق الي الاخرة ،، وغيرها كثير

اللهم أنتقم شر انتقام ممن نهب هذا البلد وترك اهله يموتون

إنا لله وإنا اليه راجعون

اولا سعدت بمرور حضرت
ثانيا انا اختلف مع حضرتك لانك بتقول هو لما يمشي الوزير السكة الحديد حتتصلح
لا مش حتتصلح بس لازم كل واحد قصر في عمله لازم ياخد جزاءه وكمان دي مش اول حادث
وحادث اسيوط برضوا كان بسبب الاهمال والوزير لم ياخذ اي قرار ضد اي حد سواء من المسئولين عن الصيانة او رئيس هيئة السكة الحديد
بس مش بنيجي غير علي السواق الغلبان وكان السواق هو المسئول
ربنا يجعلها اخر الاحزان يارب وانا لله وانا اليه راجعون

استاذ بهاء
تحيه طيبه لحضرنك
والله لو فيه حق يحاسب على هذه الحادثه الرئيس مرسى ورئيس الوزراء قنديل
لماذا
لودخلت الان على اليوتيوب لتجد الرئيس مرسى حينما كان فى مجلس الشعب
بطالب بمحاكمة مبارك فى حادثة العياط طب دى ثانى حادثه فى عهد مرسى
تحياتى ونقديرى
دمت بخير

مجدى سرحان كتب:

استاذ بهاء
تحيه طيبه لحضرنك
والله لو فيه حق يحاسب على هذه الحادثه الرئيس مرسى ورئيس الوزراء قنديل
لماذا
لودخلت الان على اليوتيوب لتجد الرئيس مرسى حينما كان فى مجلس الشعب
بطالب بمحاكمة مبارك فى حادثة العياط طب دى ثانى حادثه فى عهد مرسى
تحياتى ونقديرى
دمت بخير

شكرا علي مرور حضرتك الكريم
انا مع حضرتك في كلامك ولكن اتعودنا من الاخوان انهم ما كانوا يفعلونه قبل الوصول للحكم هو عكس ما يفعلونه بعد الوصول للحكم
يريت كل واحد ميقولش كلام هو مش اده عشان ميبقاش كداب وهو بيتكلم باسم الدين فيسئ للدين الذي يتحدث باسمه
وربنا يصبر اهالي الشهداء

عادل عوض سند كتب:

بص يابهاء

انا سوف اتخذ رئيسى محمد مرسى قدوتى .

فسوف اسير على نهجه واقول كلمته عندما كان معارضاّ

لابد من استقالة الحكومه ورئيسها . كما قاله من قبل .

لاتقل لى الحكومه مالها ؟؟؟ لا .. اقسم بالله لو كل واحد اتقى

الله فى عمله وكان حاسما حازما { مش حازم ابو اسماعيل}

لاقدر الله .. لصلح حال البلد .

ولكن مصر مش فى دماغهم ..

مودتى وتحيتى ...

اشكر حضرتك يا استاذ عادل علي مرورك الطيب
انا مع حضرتك اللي كانوا بيطالبوا بيه الاخوان بمحاسبة الوزرا ورئيس الجمهورية في الحوادث التي كانت تحدث قبل وصولهم للحكم
لايتحاسب الوزير ورئيس الجمهورية علي هذه الكارثة مش يقولوا هو مرسي اللي كان سايق القطار طاب هو مبارك هو اللي الساق العبارة وهواللي ساق قطلر العياط ربنا يهدي الناس جميعا وحقق يارب الامان لمصر