أم موسى ..!!

زائر

أم موســــى .. !!

مستحيـــــل هــركــع واقــولك
كنت بستنى الرجـــوع
ولَّايوم مـــن جرحــى هصرخ
ولَّاهتلـــف بـدمـــــوع
ولَّا هتـــرجَّـــى ف صبــاحــك
فجر مأذون بالطلـــوع
لســه فاكـره يـوم ماشــوفتــك
جىِّ تتخبى فــى خــوفك
والعيـــــون مليــــانـه لهفـــــه
شايله قلبك فوق كفوفك
والضــــلوع منــــك بترجــــف
والحيـــا معمول دروع
كــنت جـــاى عـارف جــدودى
بنـت ناس والأصل ليا
والجمــــال سـحــره بخــدودى
والأمـــان كُحـــل بعنيا
والطيـــــور حـــواليا ترقــص
تحضن الغنوه الفروع
ماهــو م البدايــة كان فــؤادى
رافض الكدب ف عنيك
والفـــروق ماكــنتش عـــادى
وانت أصـلك بينــــاديك
لاشــوفت فيـك قــرآن مــحمـد
ولابإيديك إنجيل يسوع
جيت يوميهــا تقــول حـكاوى
لافيها شوق ولا حب فيا
دابير غويـط وجــراب لحاوى
جواك مخاوى سرالقضيه
وعمــلت مـن عـوزة الفقيـــر
لمــة دجل حوالين شموع
زى الديابة تعـــوى فــى ليلها
لما تحس أنفـاس غريب
عكَّاز هـــواك جزره وشـايلها
وعملت فيها بالضلمة ديب
بقلب ليــه مـيت ألــــف لــون
لفَّاه سواد حبة بتــوع
شئ م الخيــال جــواه حــقيقه
واقفــه بعيد تستغربك
والنــار بتكــوى حلم البريئـــه
فاكــر ألامــى هتقربك
وازرع شيطانك ارويه بنـورى
ونورى يتلف بخضوع
دانا أم موسـى صندوقه قلبــى
والبحـر فيا زى الطوفان
والموج بأمـــرى جـواه مخبى
لوكان معاك مليون هامان
ولاهبقـــى ليـك لوغصب عنى
ولاجوا بحرى تفرد قلوع
ــــــــــــــــــــــــــــــــــــــــ

بقلم / أحمد ناجح

موضوع: رد: أم موسى ..!! الإثنين يناير 14, 2013 4:10 am

ممتاز يا استاذ/ احمد ناجح .... عجبتنى القصيدة جدا .. ولكن شوية صبر... وحسن نية وستنصلح الامور باذن الله ..

زائر

جمال نصير كتب:: ممتاز يا استاذ/ احمد ناجح .... عجبتنى القصيدة جدا .. ولكن شوية صبر... وحسن نية وستنصلح الامور باذن الله ..

الشاعر المميز أستاذ / جمال نصير

كل الشكر لك على حسن تلقيك للنص

واحنا صابرين ياعم جمال وربنا يصلح

الحال ونشوف بلدنا فى أجمل صورة لها

تحياتى لك وخالص ودى وتقديرى

الاستاذ احمد ناجح
تحيه طيبه لحضرتك
كلمات جميله ومعبره تستحق ان نحافط عليها مهما تغيرت الاحوال

لســه فاكـره يـوم ماشــوفتــك
جىِّ تتخبى فــى خــوفك
والعيـــــون مليــــانـه لهفـــــه
شايله قلبك فوق كفوفك
تحياتى وتقديرى
دام الابداع

الشاعر الجميل

احمد ناجح

نصك جميل بمضمونه وطرحه الواعى .

وانت شاعر قاريء وعرفت توصل ما اردت من خلال حرفك .

ولكن واسمح لى ولانك شاعر جيد اوجه نظرك الى شيء :

انت بدأت النص على بحر الرمل الى ان وصلت الى :

وانت أصـلك بينــــاديك .. ومابعد ذلك هربت منك التفعيله .

اثق فى سعة صدرك لتقبل النقد وهذا من غيرتى على بهاء النص .

مودتى وتحيتى ...

» بـِتـتـألـمـى
» هل النبى موسى هو أخناتون ؟
» إفهميني .. أحمد موسى
» أمي ... أحمد سعيد موسى
» الكابوس