قلم جبان

أكتب يا قلم ومتبقاش جبان

اكتب وماتخاف من اي سجان

اكتب وهات حق كل غلبان

دأنت كنت بتطالب بالحرية

بتطالب بالعدالة الاجتماعية

ولا نسيت اهدافك الثورية

فاكر لما بكلمة اسقطت الرئيس

وبكلمة فرحت شعب تعيس

وبكلمة تانية عريت كل خسيس

طاب ليه دلوقتي ساكت وبتقولي بيس

لا ياقلم

لا يا قلم ده في فساد سياسي

وانت لازم تزود من حماسي

ونقضي علي حكم ظالم حكم قاسي

بس مفيش حرية للاعلام

وحنتحبس لو نشرنا هذا الكلام

طاب حتقبل تعيش في الظلام

تضرب وتتهان وتعمل تعظيم سلام

ولا تثور علي ناس سرقوا منا الامان

تثور علي ناس ما سابولنا غير احزان

اكتب ياقلم

اكتب وهات حق شهيد لوطنه كان ولهان

اكتب ياقلم ومتبقاش جبان

اكتب وما تخاف من اي سجان

استاذى الشاعر الثائر بهاء الدين محمد أتشرف بأن أكون صاحبة أول مرور على قصيدتك الرائعة استاذى

ولى عودة

دمت بكل الخير

دعاء العطــار كتب:

استاذى الشاعر الثائر بهاء الدين محمد أتشرف بأن أكون صاحبة أول مرور على قصيدتك الرائعة استاذى

ولى عودة

دمت بكل الخير

انا اللي ليا الشرف مرورك علي قصيدتي يا استاذة دعاء واشكرك علي مرورك الكريم

الشاعر بهاء الدين
تحيه طيبه لحضرتك
للاسف الاقلام فى هذه الايام جفت من الحبر خوفا الحاكم
ندعو الله ان تتحرر الاقلام بعد هذه الثورة العظيمه
كلماتك معبره وصريحه
تحياتى لحضرتك
دمت بخير

عادل عوض سند كتب:

الابن الجميل

بهاء الدين محمد

اللهم لاحول ولاقوة إلا بالله العلى العظيم

عندما نرى الشباب وقد اصيبوا بهذا الاحباط

فهذا مؤشر لوجود اشياء خاطئه وسياسه محبطه للنفس .

نصك يا محمد به صرخه . ولكن اطمنئك الصراخ لايتعدى الجنحه

وليس الحبس . فالحبس لمن يهجو وينتقد الخليفه فقط .

مودتى وتحيتى ...

شكرا للمرور حضرتك استاذ عادل ولكن انا اري ان اليوم من يقول اي شئ مش علي هواهم يبقي كافر وفلول وطرف تالت مش عارف امتي حنتغير ولما حد ينقد كلنا نسمعله طالما كلامه لا يتعدي حدود الادب اي كان من الذي يحكم حتي تكون مصر الدولة التي علي ما يجب ان تكون

مجدى سرحان كتب:

الشاعر بهاء الدين
تحيه طيبه لحضرتك
للاسف الاقلام فى هذه الايام جفت من الحبر خوفا الحاكم
ندعو الله ان تتحرر الاقلام بعد هذه الثورة العظيمه
كلماتك معبره وصريحه
تحياتى لحضرتك
دمت بخير

شكرا استاذ مجدي علي مرورك ولكني استعجب من جفاف الحبر من الاقلام بعد الثورة وكأننا قمنا بالثورة لتكميم الافواه