اينما وليت وجهى .. التقيها‏

النور ف خدودها نما

والضحكه طالعه بشاير

والعيون

قمرين

بالدهشه متكحله

والشعر مرخى جدايل

كل شعره .. سوسنه

اوصفوا الحسن لنهايته

تلقو نهايته ف حسنها ابتدا

منها قلبى يدوخ

هى المراد والمرتجى

ف حضرتها زى المريد

اسكر من شفايفها

اطوف الكون وانا قاعد

وعن حضرتها ماتباعد

اينما وليت وجهى .. التقيها

مازاع قلبى عن هواها.. او غوى

راح تسألوا

ودا دم مين اللى سايل

ف عشقه كون بحور

قلت القتيل ف هواها انا

فماتلوموش عليا هواها

كل عشاقها

دمهم سال غطى الخلا

واللى اختلى

كان قلبى بيها

وقلبها لى انحنى

والمنحنى

قلبين

والسهم واحد

لحنين وغنوه واحده

غنوه احلى من شقشة الندى

فيارب خلى الوصل .. مكتبولى

وخلينى اكون سيدها

وقلبها يكون توب لى

واجعلها ترحالى .. وحلى

وان قال عذالى حبها ذنب

اغفرلى كل الذنوب

وذنبها ماتغفرلى