يا بتوع الجبنة النستو

يا بتوع الجبنة النستو
تمويل ليشع وخريستو
دستورنا خلاص اتمرر
أتمنى تكونوا خرستوا

يا بتوع الجبنة النستو

في الحكم اتثبت وضعي
لبّست الشعب برادعي
ودماغي عنب، وبرادعي
يحرق دمه ف هولوكوستو

يا بتوع الجبنة النستو

ف جرابك ياما يا حاوي
والدنيا دي كدب مساوي
ونهضْنا، وأوووووه حمزاوي
So Cute""، في الحيطة لبستوا

يا بتوع الجبنة النستو

وتخاف ازاي يا رئيس؟
الشاطر حل الكيس
شوفوا وافقوا ازاي ع الفيس
ألفين تعليق على "بوستو"

يا بتوع الجبنة النستو

الشورى دا طوع إبهامي
والكون مفتوح قدامي
حاتخلص من برهامي
وادي "دقنه" كمان لو فوزتوا

يا بتوع الجبنة النستو

وبرنس ومكي وماضي
والعوا اهو فاضي وراضي
ونافستوا وقال القاضي:
نصرنا من غير "مانافستو"

يا بتوع الجبنة النستو

انهضي يا حمامة وحاولي
دي عشيرتي صفوف من حَوْلي
طُززززز، المجتمع الدولي؟
طلعت لساني وغظتو

يا بتوع الجبنة النستو

من غير ما افرك مصباحي
الجني المسلم صاحي
يحلق ظلبطة صباحي
وابو غار حيغور لو عوزتوا

يا بتوع الجبنة النستو

حنعيش بالفص الأيمن
احشي الدستور يا ام ايمن
يتقدم ساخن دايما
نهضة ملوخية وروستو

يا بتوع الجبنة النستو

إحنا بنعرف نستنجا
حنحارب زنجة وزنجة
والمتعود ع المانجة
يقرف م الجبنة النستو

يا بتوع الجبنة النستو

كنت رائعا فى ندوة التجميع وسعدت بالاستماع ايك ايها الشاعر الجميل

الشاعر الجميل عادل.. نفسى اعرف بجد من هم _بتوع الجبنة النستو) دول.. عشان اعرف ارد

حبيبيى وفارس الفصحى

د / عادل نمير

فاجأتنا فى الندوه بهذه القصيدع العاميه .

ولم يتوقع احد ان تشدو بالعاميه فى اى ندوه .

ولكنك كنت ذكى عندما القيتها فى هذا الجو العائلى الجميل

ونالت اعجاب كل الحضور .

مودتى وتحيتى ...

د عادل
أراك متألقا فى العامية كما الفصحى
قصيدة بها نقد راق ٍ و ذكاء واضح
أحسنت

أستاذنا محمود عبد الحليم كتب:: كنت رائعا فى ندوة التجمع وسعدت بالاستماع إليك أيها الشاعر الجميل

أتمنى أن أظل عند حسن ظنك دائما

تلميذك

عادل نمير

حبيبي وأخي الغالي جمال نصير كتب:: الشاعر الجميل عادل.. نفسى اعرف بجد من هم _بتوع الجبنة النستو) دول.. عشان اعرف ارد

مش حاقولك

عشان خايف من ردك

الأخت العزيزة الغالية اللي مسمية نفسها، أو الأخ العزيز الغالي اللي مسمي نفسه الإدارة كتب:: د عادل
أراك متألقا فى العامية كما الفصحى
قصيدة بها نقد راق ٍ و ذكاء واضح
أحسنت

محدش يقدر يرد حتى لو لعنت سلسفيل القصيدة

انتو الحكومة وبتعرفوا كل حاجة

أستاذي عادل عوض سند

أولا- انتا اللي حبيبي يا بو نور يا غالي
ثانيا- احنا جامدين اوي بالصلاة ع النبي، وبندوس
ثالثا- أنا حاطلق حملة إسقاط عادل عوض سند من منصب نائب المدير، انت استغللت منصبك للحجر على إبداعي وغيرت كلمة (الضصطور) وانا قاصدها

أتمنى تكون كلماتي عند حسن ظنك دائما يا حبيبي

عادل نمير

نجم في طبق- مجنون أمنية كتب:

حبيبي وأخي الغالي جمال نصير كتب:: الشاعر الجميل عادل.. نفسى اعرف بجد من هم _بتوع الجبنة النستو) دول.. عشان اعرف ارد

مش حاقولك

عشان خايف من ردك

بس انت بكدا أجبت على السؤال..... وبرضه بحب شعرك .. لانك مدرسة نتعلم منها ... لكن رجاء من اخ ربما اكبر منك سنا... دع هذه المدرسة تدعو الى الوحدة لا الفرقة.. ساعتها ستنال اجرا عظيما من الله .. فحب الوطن يحتاج منا جميعا الى الدعوة للحق وبالحق ..

انا اسف جدا يا دكتور عادل واسمحلي من غير زعل اني اقولك

اني ندمان جدا لاني جيت متأخر وماسمعتش النص الرائع ده

رائع فى العامية كما فى الفصحي احسنت يا استاذ

شعرك ليس كباقي الشعر واعتراضك ايضا ليس كلآخرين

نص اعتراضي ساخر يتناسب جدا مع حالنا الهزلي الهزيل

تحياتي وتقديري وسعادتي لرؤيتك فى الندوة

والله أنا اللي بحبك يا أستاذ جمال

حب الوطن فرض عليا

إن شاء الله يكون اللي جاي أحلى

عمنا أحمد رجب معيط

والله أنا حابات (معيــَّط) من كلامك الحلو دا

انتا جيت متأخر اللقاء بس جيت قلبي بدري

سلام

» إحنا بتوع الجِبنَة النِستـو !!!