قبل ما يفوت الأوان

قبل ما يفوت الأوان
لملم اللى باقي منى
امسك اللي باقي فيا
واشتريني
وانسى روحك لو يومين
قبل ما تفارق وافارق
قبل ما تضيع السنين
انسى اسمك وانسى ذاتك
وافتكر لحظة ميلادك
لما كنا مشتاقين للحلم يكبر
جوا جوانا المنور بالعمار
افتكر ضحكة شبابك بالنهار
افتكر
كان بينا عشق من الزمان المستحيل
ألف مره يحاولو ينتهكو امتلاكك للحياه
وانت رافض الاستكانه
كلمة الموت اللي عايز ينتصر
مشطوبه من قاموس حياتك
وانت رافض جوا نفسك الانهزام
كل ما يميل الزمان بينا تقولى متخافيش
انتى باقيه رغم كل الكون عشان خاطرك هعيش
كنت نفسك كنت ذاتك كنت صوت الحق بيأسس ولادك
كنت بتربي العيال ف المدرسه ع الخوف عليا
واما هزيت الجميع بدموع عنيا
قمت واخد شنطتك رايح لفين؟
هتسيبنى من بعد اللي كان بينا على مر السنين؟
بتقول مليش فيكى مكان ؟
أيام زمان
ليه كنت صابر ع الضنا
ومصبر القلب اللي ياما خطت الأحلام عليه
ولا شافش منها الا الوسن
ليه كنت راضي تعيش جبان
واما الحياة حطت ف ايدك سرها
خايف تعيش؟
خايف تكون فاعل جريء
واقف ف ضدى وألف ميت مليون فريق متقسمين
ولا حد فاكر من دموعى الطيبه غير المهانه
ليه غصب عن ليل المدينه
سرقت ضيك م العيال وجريت
واقف بعيد بتشدنى
والكون بعيد بيشدنى
وانا بتمزع
لا عنيك بترحم شدتى
لا ألمى بيخفف إديك عنى بكرباج عِندها
فجأه بقيت انت الأهم
ومعادش فاضل جوا منك لو بواقى خوف عليا
وانا لما شوفت قساوتك العميانه عنى بعندها
جفت دموعى
وشطبت اسمك من تاريخ العاشقين
ومشيت
ولا بعد منك هلقى كف يهون الأيام عليا
ولا بعد منى هتلتقى حضن يواسيك

حلوة اوي استاذة دعاء ويارب كل واحد عايش في مصر يضحي من اجلها ويتمني يموت في سبيلها
احييكي علي حسك الوطني
Cool

نص جميل جدا ...

قرأته قراءة أولية سريعة

سوف أعود قريبا للتعليق بإذن الله

تحية لقلمك الراقي يا أستاذة دعاء

ايه الجمال ده

بجد نص اكثر من رائع

قراته واستمتعت بكل كلمة قرأتها

اهنيك على نصك واحيك عليه

ابدعتي

ما أحلى التصوير الشعري و ما أحلى الألفاظ الموحية و التي تحمل أكثر من دلالة فمثلا أعجبني قولك :

وانت رافض جوا نفسك الانهزام

أي قد يكون المعنى أنه رافض من أعماق ذاته أن يكون مهزوما

و قد يكون المقصود أنه رافض للهزيمة الداخلية الذاتية .... و هزيمة النفس أصعب من الهزيمة المادية ....

ثم أعجبتي لغة الحوار و التدفق اللغوي و الوجداني في هذه القصيدة الرائعة

و سوف أعود من جديد بإذن الله فقصيدتك تستحق القراءة مرات و مرات

دمت بكل خير يا أستاذة دعاء و أعتذر عن تأخري في الرد عليك

عاطف

بهاء الدين محمد كتب:: حلوة اوي استاذة دعاء ويارب كل واحد عايش في مصر يضحي من اجلها ويتمني يموت في سبيلها
احييكي علي حسك الوطني

استاذى الشاعر بهاء الدين محمد

تحياتى استاذى لمرورك الكريم

عاطف عبد العزيز الحناوي كتب:: نص جميل جدا ...

قرأته قراءة أولية سريعة

سوف أعود قريبا للتعليق بإذن الله

تحية لقلمك الراقي يا أستاذة دعاء

استاذى الشاعر عاطف عبد العزيز الحناوى

تحياتى استاذى لمرورك الطيب

وانا في انتظار رؤيتك النقدية للنص

تحياتى

أحمد رجب معيط كتب:: ايه الجمال ده

بجد نص اكثر من رائع

قراته واستمتعت بكل كلمة قرأتها

اهنيك على نصك واحيك عليه

ابدعتي

الشاعر المهذب استاذى احمد رجب معيط

تحياتى أستاذى لمرورك الطيب

وسعيدة لاستمتاعك بالنص بالرغم من انه يتعارض مع افكارك قليلا

دمت بكل الخير استاذى

عاطف عبدالعزيز الحناوي كتب:: ما أحلى التصوير الشعري و ما أحلى الألفاظ الموحية و التي تحمل أكثر من دلالة فمثلا أعجبني قولك :

وانت رافض جوا نفسك الانهزام

أي قد يكون المعنى أنه رافض من أعماق ذاته أن يكون مهزوما

و قد يكون المقصود أنه رافض للهزيمة الداخلية الذاتية .... و هزيمة النفس أصعب من الهزيمة المادية ....

ثم أعجبتي لغة الحوار و التدفق اللغوي و الوجداني في هذه القصيدة الرائعة

و سوف أعود من جديد بإذن الله فقصيدتك تستحق القراءة مرات و مرات

دمت بكل خير يا أستاذة دعاء و أعتذر عن تأخري في الرد عليك

عاطف

استاذ عاطف تحياتى أشكرك على ثنائك وكلماتك الطيبه التى اسعدتنى

دمت بخير استاذى

» " قبل ما يفوت الأوان " أرجو المشاركة
» قبل ما يفوت الاوان
» آن الأوان
» قبل الاوان