تعالوا نختلف - طارق منيب

تعالوا نختلف

دي ثقافة الاختلاف

أسمع صوتك خلف

من غير ماأغضب وأخاف

ده خلافنا لمصرنا

والدين ده أمنا

وكمان لينا الشرف

إن إحنا بنختلف

تعالوا نختلف

من غير مانعض بعض

ولا برضه نتقرف

لا السلفي يقول ده سني

فالأمر بيختلف

ولا وفدي يقول لايمكن

ده الأخوان تنصرف

تعالوا نختلف

تعالوا نختلف

وخلافنا ياناس حقيقة

قالها دينا الحنيف

ورسولنا .. فليه الحريقة؟

ده الجهل في الخناق

والحل في الوفاق

طب قولي باختلف

راح أرد بمختلف

صدقني باختلف

وكمان أنت مخالفني

من غير ماحد منا

يفهم ليه الخلاف

يفهمنا محترف

يلعب لعبة مابنا

خلى الشجاع يخاف

وكانه منحرف

تعالوا نختلف

وخلافنا له حدود

نحمي تراث السلف

وثقافة الجدود

لو قلنا لأ لغيرنا

نحيي الحوار مابنا

خلي الجبان يخاف

ويسيبنا وينصرف

...........................

ياريت كلنا نفهم استاذ طارق معنى الاختلاف
الاختلاف شيء صحى لو فهمنا كده
بأكد على روعة شعر حضرتك

الله ينور يا طروقه

فعلا الاختلاف المحترم هو المطلوب بيننا .

ولابد من نبذه بالمره حتى تمر الصعاب ونخرج بمصر

الى بر السلامه . مصر هى الاهم لدينا جميعاّ .

تسلم ايدك اخى طارق ...

راااائع ....كلمات في الصميم

دائما تبهرني قصائدك أستاذنا الشاعر

تحياتي لحروفك

اتفق معك تمام

لاننا جميعا فى مركب واحد

ولن يصل منا واحد دون الاخر

ابدعت

إخوتي الأحباء

لي عودة غداً.. ولكن أحب أن أضيف.. لازال الوقت مبكر جداً لكي يكتسب الشعب المصري ثقافة الاختلاف.. ويحتاج الأمر لسنوات..

كوثر البدرى كتب:: ياريت كلنا نفهم استاذ طارق معنى الاختلاف
الاختلاف شيء صحى لو فهمنا كده
بأكد على روعة شعر حضرتك

الأخت العزيزة كوثر البدري

الاختلاف في المجتمعات المقدمة من أجل صناعة القرار

أما في مجتمعاتنا المتخلفة فهو تناحر وشقاق

وربنا يهدينا

عادل عوض سند كتب:: الله ينور يا طروقه

فعلا الاختلاف المحترم هو المطلوب بيننا .

ولابد من نبذه بالمره حتى تمر الصعاب ونخرج بمصر

الى بر السلامه . مصر هى الاهم لدينا جميعاّ .

تسلم ايدك اخى طارق ...

أخي وأستاذ/ عدولة

سُأل أحد أعضاء الكونجرس يوم ما

من أفضل في نظرك .. كارتر رجل المبادئ

اللي وصل أمريكا للحضيض

ولا كلينتون المنحل أخلاقياً

اللي وصل أمريكا للقمة

فرد .. في أمريكا لا نحتاج لرئيس

عارف ليه.. لأن مؤسسات الدولة بتدير الحكم

مش بتتناحر مع بعضها..

ولأن الأقلية بتحترم الأغلبية ..

والأغلبية بتحمي رأي الأقلية

وياريت ياخدونا قدوة

ماأنا وانت مختلفين

ولكن مش خصوم أو أعداء

مودتي ياأستاذي

سماء الرفاعي كتب:: راااائع ....كلمات في الصميم

دائما تبهرني قصائدك أستاذنا الشاعر

تحياتي لحروفك

الأروع هو مرورك

شهادتك لي وسام على عنقي

خالص مودتي وتقديري

أحمد رجب معيط كتب:: اتفق معك تمام

لاننا جميعا فى مركب واحد

ولن يصل منا واحد دون الاخر

ابدعت

أخي الحبيب الأستاذ/ أحمد

شعب مسجون من زمن طويل

لسة بدري عليه لما يرسخ

ثقافة الاختلاف

ادعيلنا نوصل لها

سعيد بمرورك

الشاعر الكبير ..الأستاذ طارق منيب..(تعالوا نختلف) قصيدة في مُنتهى الروعة جاءت في وقتها المناسب تماماً ياليت الجميع يستمع إلى هذه الدعوة الراقية ويعي ما بين سطورها من أجل مصلحة البلاد ووأد الفتنة ..أحييك على هذا الإبداع المُمتِع.

تُثبت بواسطتي ليمر بها ويقرأها ويُدركها الجميع.

مشرفنا وحبيبنا الأستاذ/ رضا

سعيد بمرورك وتسجيل إعجابك بالقصيدة

ودعني أضيف.. ثقافة الاختلاف في الغرب هي طرح الأراء للوصول للأفضل

ولكن لدولة الديمقراطية فيها وليدة زينا .. أصبحت لإلغاء الآخر

وأنا أرحب بالآخر دائماً طالما لم يمس الدين والعقيدة

جزاك الله خيراً

أخوك

طارق منيب

هههههههههههههههههههههههههه

مش عارف ليه يا اخي مصدقك النوبه دي ؟

يمكن عشان بحبك ............. اشواقي

م/عطية شواش كتب:: هههههههههههههههههههههههههه

مش عارف ليه يا اخي مصدقك النوبه دي ؟

يمكن عشان بحبك ............. اشواقي

أهلاً أبو التشويش

بس أنا لايمكن أصدقك أنك مصدقني

خالصين ياحلو

واحشنا

» بيرم منيب يعارض بيرم سند "مهداه للرئيس مرسي - طارق منيب
» خطر ..قطر- طارق منيب
» هي كده.. لأ مش كده- طارق منيب
» حرب!!!!- طارق منيب
» صعب....تشوفنى