رساله الى الريس

رساله الى الريس
...................................
ياريس بص لشعبك المظلوم
لا جايله نوم ولا مرتاح
من يوم ما قعدت ع الكرسى
لاريحت رئيس وزرا ولا فلاح
وكل الشعب بيطالبك تكون ريس صحيح لينا
وتعرفنا احلامك ومنها شئ تورينا
وتسمعنا
بجد ارجوك تكلمنا وتفهمنا وحذارى
وحذارى تسمع جانب واحد
هتبقى ف شر اعمالك
وندعى عليك بميت دعوة
وممكن دعوة منا تصيب وتتحقق
اكيد فينا واحد مظلوم رافع كفه
حاول تيجى تمد اديك هنا ف كفه
واسألنا
واسألنا ليه كده معترضيتن
وزعلانين
ومش عايزين وعود تانى
تعالى هنا كلفنا بحمل تقيل
ياريس بص فى النشره
وشوف شعبك واكل بعضه
وحس معانا بالحسره
رئيسنا تهمينوا بانه خاين لينا وبايع ارضه
رئيسنا ال فرحنا بصلاته فى عز الفجر فى الجامع
رئيسنا ال فتح صدره وقال عنكم راح ادافع
جرالك ايه ايه ياريس
حلفت يمين تسيب حزبك
وقلت خلاص ماليش احزاب
وخلوا الناس وقفت ضدك
وخلوا الدنيا سوده ضباب
شباب حلوة فى عز النوربيقتلها كلام مغرور
ياريس ايدنا ف اديك نعدل غلط الدستور
ونطلع ببلادنا النور
ونكتب فى تاريخنا سطور
باسم الريس الراحل او السابق
سطور من نور
لا فيها دم متلوث ولا طاغى ولا ظالم
بدل مالشعب يفتكرك ويدعى عليك
ياريس ايدنا ممدوده مد اديك
بشرط
ايدك انت لوحدك بس
وهنشيلها على راسنا
ونعلى كلنا وياك
وترجع مصر للامه حنين وحياه
ياريس انا بترجاك
تبص لشعبك المظلوم
...........................................
الشاعر الثائر
عبدالتواب الرفاعى
2012\12\16

انا ولا سلفى ولا اخوانى ولا متطرف
بس محمد مرسى رئيسى الى اخر الحدود