تايهين مابين الدروب

إلي الثوار الحقيقين وليس
أولئك اللذين وضعواأياديهم
في أيادي فلول النظام البائد
من أجل مصالح حزبيه ضيقه



شهدا كتير أرتقوا
علشان يعيش الأمل
والحلم إللي إبتدا
لزم ياناس يكتمل
مانقفشي في نص السكة
ونضيع إللي إتعمل

***
تايهين مابين الدروب
ماسكين بإيدنا الهوا
أصبحنا خلاص أعداء
من بعد ماكنا سوا
أنا نفسي حد يقول لي
إيه العلاج والدوا

***
في أقذر وأغبي مزاد
بعنا الدماء ببلاش
ياريتني كنت مت
وصاحبي هو إللي عاش
مش عارف أعمل إيه
وحقه لسه ماجاش

ربما غداّ افضل اخى عصام

وعموما طالما الاختلاف موجود فهى ظاهره صحيه

وتلك هى شواهد المرحله الانتقاليه التى نحن بصددها .

مودتى وتحيتى ...