سهران

موضوع: سهران الإثنين ديسمبر 10, 2012 12:04 pm

شعر سلمان حسن علام
سهران..
وانفاس الليل الدافية بتطرح عافية جوه ضلوعي
لما القمر الساهر ينسى الكون
علشان يرسم صورتك باجمل لون
لما النسمة الصافية تكون مرسال..
بعطور أنفاسك
لما نجوم السما تصبح حراسك
لما النيل ينعس ويآمن
زي ما جفنك كان بيآمن
وينام
فارش ورد من الأحلام
قلبك طاير..
قلبك طاير يهدي الطير
وماهوش حاير..
وماهوش خايف ظلم الغير
عينك..
عينك فيها كتاب مكتوب يهدي الناس
من غير كلمة ومن غير صوت.. لكن إحساس
فيها جمال نعسان..
فيها السحر الدايب.. شكَّل إنسان
------
عدَّا الليل.. شقشق نور الفجر فـ راسي..
كبر الشاب وأصبح شايب..
أصبح راسي
لكن صورتك جوه عنيه
لسه سلامك طارح ورد جميل في إيديه
لسه القلب مقسم نبضه على حروف إسمك
شابِ الشابّ..
شاب الشاب وقلبه شباب
علشان لسه احضانك فيه
عايش عشمان تناديه له فـ يوم
أو لما يعدي نواحي البيت.. تطلعي تشوفيه..
عاشق طول العمر صحيح..
لكن نظرة تكفَِّيه
-----
لما يشوفك قلبه بيفرح
لسه شجرْة الشعر بتطرح
لسه بيكتب لك أشعار
لسه فـ عينه صبية صغيرة
لساه قلبه بتاكله الغيرة
لما يلاقي اوتار الليل.. بتغني كلامك
لما يلاقي جنود الطير بتطير قدامك
لما يلاقي الأرض الشايبة اخضرت..
علشان تلفلت نظر اقدامك
لما يلاقي القمر الساهر طمعان في سلامك
وبينسى الكون
علشان يرسم صورتك باجمل لون
غيران.. لكن فرحان
إكمن الصورة هتفضل جوه ضلوعه..
وفـ حضن عنيه
وان غبتي فـ يوم.. هيلاقي الصورة تحن عليه
هيلاقي النسمة الصافية احسن مرسال..
بعطور أنفاسك
وهيطمن..
لما يلاقي نجوم السما صبحت حراسك
سهران..
وانفاس الليل الدافية بتطرح عافية جوه ضلوعي
وقبل الصبح ما يرمي شباكه..
ويفتح ع المساكين شباكه..
بامسك ريشتي واغوص في دموعي..
واكتب على ورق الليل.. وقت رجوعي

موضوع: رد: سهران الأربعاء ديسمبر 12, 2012 9:21 am

اخى الشاعر

سلمان حسن

نص جميل . وبه شاعريه وصور راقتنى كثيراّ .

ومعظم النص منضبط على البحر المتدارك .

والقليل من شطراته كانت تحتاج الى اعادة نظر فيها

لكونها تفتقد موسيقى الشعر .

تقبل ملحوظتى ومودتى ...

موضوع: رد: سهران الخميس ديسمبر 13, 2012 1:00 pm

كل الشكر أستاذنا الجميل.. عادل عوض.. وسأتدارك هذا بإذن الله.. لكم تحياتي

موضوع: رد: سهران الخميس ديسمبر 13, 2012 3:08 pm

[="سلمان حسن علام"
شعر سلمان حسن علام
سهران..

وانفاس الليل الدافية بتطرح عافية
جوه ضلوعي
لما القمر الساهر
ينسى الكون
علشان يرسم صورتك
باجمل لون
لما النسمة الصافية تكون مرسال..
بعطور أنفاسك
لما نجوم السما تصبح حراسك
لما النيل ينعس ويآمن
زي ما جفنك
كان بيآمن
وينام
فارش ورد من الأحلام
قلبك طاير..
قلبك طاير يهدي الطير
وماهوش حاير..
وماهوش خايف ظلم الغير
عينك..
عينك فيها كتاب مكتوب
يهدي الناس
من غير كلمة ومن غير صوت
.. لكن إحساس
فيها جمال نعسان..
فيها السحر الدايب..
شكَّل إنسان
------
عدَّا الليل..
شقشق نور الفجر فـ راسي..
كبر الشاب وأصبح شايب..
أصبح راسي
لكن صورتك جوه عنيه
لسه سلامك طارح ورد جميل في إيديه
لسه القلب مقسم نبضه على حروف إسمك
شابِ الشابّ..
شاب الشاب وقلبه شباب
علشان لسه احضانك فيه
عايش عشمان تناديه له فـ يوم
أو لما يعدي نواحي البيت..
تطلعي تشوفيه..
عاشق طول العمر صحيح..
لكن نظرة تكفَِّيه
-----
لما يشوفك قلبه بيفرح
لسه شجرْة الشعر بتطرح
لسه بيكتب لك أشعار
لسه فـ عينه صبية صغيرة
لساه قلبه بتاكله الغيرة
لما يلاقي اوتار الليل..
بتغني كلامك
لما يلاقي جنود الطير
بتطير قدامك
لما يلاقي الأرض الشايبة اخضرت..
علشان تلفلت نظر اقدامك
لما يلاقي القمر الساهر طمعان في سلامك
وبينسى الكون
علشان يرسم صورتك باجمل لون
غيران.. لكن فرحان
إكمن الصورة هتفضل جوه ضلوعه..
وفـ حضن عنيه
وان غبتي فـ يوم.. هيلاقي الصورة تحن عليه
هيلاقي النسمة الصافية احسن مرسال..
بعطور أنفاسك
وهيطمن..
لما يلاقي نجوم السما صبحت حراسك
سهران..
وانفاس الليل الدافية بتطرح عافية جوه ضلوعي
وقبل الصبح ما يرمي شباكه..
ويفتح ع المساكين شباكه..
بامسك ريشتي واغوص في دموعي..
واكتب على ورق الليل.. وقت رجوعي

الشاعر الكريم / سلمان حسن علام

قصيدة راقية في الطرح والمعنى والأسلوب

لا فض فوك

تحياتي وتقديري

» ابات سهران
» ااااااااااه يا قمر سهران