الدستور المصري

موضوع: الدستور المصري السبت ديسمبر 08, 2012 4:53 pm

( المادة الاولي )

تحيا جمهورية مصر العربية

بلد المحبة والامان ادخلوها

بسلام

( المادة التانية )

هدية التأسسية للأمة الإسلامية

ان دين الدولة الرسمي الاسلام

يا سلام

( المادة التالتة )

وحرية الابداع والامتاع والبتاع

كله مباح و مفيش حاجة حرام

يا حرام

( المادة الرابعة )

واستقلال القضاء كاستقلال السماء

قضاء مسلم وحكم نهائي من غير

كلام

( المادة الخامسة )

وان المواطنة يعني ماري وفاطنة

ومحمد ومينا غصنين زيتون فى بق

الحمام

( المادة السادسة )

وحق العقيدة حرية وعقيدة وحق

العبادة من غير زيادة كنيسة و

مقام

( المادة السابعة )

والحريات بلا حدود مكفولة للجميع

الحي زي اللي مات الصاحي زي

اللي نام

( المادة الثامنة )

وحق التظاهر من حق كل مصري

بلا تخريب وابقى قابلني فى اي

اعتصام

( المادة التاسعة )

وعمال بلادنا اخواتنا وولادنا واما

نسائنا فوصي عليهم محمد نبينا عليه

السلام

( المادة العاشرة )

ولكل الفلاحين مصر من ماء وطين

وطينكوا فوق دماغنا ومعاكوا دايما

للامام

(المادة الحادية عشر)

وبالنسبة للاحزاب اللي بلا حساب

فيها اللي شاب وفيها الشباب وفيها

اللئام

(المادة الثانية عشر)

لا شاطر ولا بديع مصر فوق الجميع

ورئيسنا حارسنا فارسنا ماسك

باللجام

(المادة الثالثة عشر)

وخلاصة الكلام ختامي سلام

لكل ثوري مخلص وللشعب

الهمام

جميله يا احمد وفكرة الدستور بالزجل اجمل .

بس انت نسيت مواد كتير .

هههههههههههههههههههه

حاول تكمل باقى الدستور ...

جميل يا أستاذ أحمد ما كتبت

بس بلاش موضوع اللجام ده يا جماعه احنا بنى ادمين والله مش حصنه

تحياتى استاذي

الشاعر الجميل الأستاذ أحمد رجب معيط..والله فكرة رائعة وجديدة أرجو من الله ان يجعلها في ميزان حسناتك..كما أرجو أن يفتح الله عليك لإستكمالها فما أجمل أن نشرح مواد الدستور للجميع بأسلوب بسيط وسلس حَتّى تتضح الحقائق كاملةً..

عادل عوض سند كتب:: جميله يا احمد وفكرة الدستور بالزجل اجمل .

بس انت نسيت مواد كتير .

هههههههههههههههههههه

حاول تكمل باقى الدستور ...

الجميل هو مرورك استاذي العزيز

واما عن باقي المواد فهذا فوق احتمالي

وبالتأكيد يحتاج الى لجنة تأسسية واعلان دستوري

ومظاهرات واحتاجات فخليني مداري احسن

هههههههههههه

مودتي

دعاء العطــار كتب:: جميل يا أستاذ أحمد ما كتبت

بس بلاش موضوع اللجام ده يا جماعه احنا بنى ادمين والله مش حصنه

تحياتى استاذي

سعيد بمرورك واحترم وجهة نظرك

وان لم يكن هذا قصدي ابدا فانا اشير الي عكس ما يروجونه

عن الرئيس مرسي بان الامور خرجت من سيطرته

وان الامر يسير بعكس ما يخطط له اعداء مرسي

مودتي

رضا محمود كتب:: الشاعر الجميل الأستاذ أحمد رجب معيط..والله فكرة رائعة وجديدة أرجو من الله ان يجعلها في ميزان حسناتك..كما أرجو أن يفتح الله عليك لإستكمالها فما أجمل أن نشرح مواد الدستور للجميع بأسلوب بسيط وسلس حَتّى تتضح الحقائق كاملةً..

اخي الحبيب

مرورك اسعدني جدا

ونصيحتك محل الدراسة

اما عن الحقائق فلابد يوما ان تتكشف

مودتي

» دعوة لقراءة الدستور- طارق منيب
» الدستور :: شعر :: صبري الصبري
» انا المصري
» أنا المصري
» الشعب المصري فين؟