حادث اسيوط

حادث حافلة اسيوط
قطر طايش واتوبيس مخبوط
الطفل رايح مدرسته
مرتاح ومبسوط
اصله شاطر في دراسته
وفي لوحة شرف محطوط
مهو طفل حافظ القران
وبراءته حبه الرحمن
كان نفسه يبقي مهندس
وابوه عليه غيران
ملحقش يفرح بابنه
او حتي يخده في حضنه
امه بتصرخ من الفراق
اصلها مشبعتش من حبه
جالها جثة هامدة
الوزراء قلوبهم جامدة
كله يرمي ع التاني
مهي دي القوانين السائدة
حرام عليكو ضيعتو اطفالنا الابرياء
ولسة فيكو داء الغرور والكبرياء
متزعليش يا ام الشهيد
ابنك فوق في السماء
مخلد في الجنة وحميه رب العباد

حادث اسيوط حادث اليم ربنا يصبر اهالى الاطفال اللى نحتسبهم شهداء عند الله تعالى ان شاء الله . وربنا يجازى كل مقصر فى عملة . وربنا يبارك فى شبابنا اللى انت منهم . انتم يا ابنى املنا والله . مزيد من التقدم اتمناة لك