خـــــــرابيش

الوردة اللي بتوقفك زي كل الناس

بتوصفك للشوك !

والفخ اللـي بيسرقك

نفس المـوج اللـي بيرفعـك

ويغـرقك فـ عنيــك


مسكين يا طير

لما بترفع دعوتي بإديك

لما بتخمـش قسوتـي بعنيـك

البسمة اللـــــــي بتحدفك للعفو

نفس الضل اللي بيشنقك عالحيط

والفجر اللي بيسبقـــك

نفــس الخيـط اللــي بيرجعـك

ينطفــــــي ويقيــــد


وتووت يا مراجيح

البخور اللي بيلضم سبحتك

نفس الهروب اللي بيخيرك بين ضلين

والشمــس اللــي بتخمــن ضحكتــك

نفس الزحام اللي بيرجعك لعنيك .


مسكين يا طير

المراية اللي بتقسمك على اتنين

نفس العيون اللي بتحدوفك

وتلمنا خرابيش