على مين يرسي العطا قصيده فى حب د مرسي مصر

فيه حاجه ملخبطه
صفحه ومشخبطه
فيه ناس متورطه
وناس على الهامش
على مين يرسي العطا
اللى ادفى بغطا
واللى عا الناس سطا
واللى فى الاصل واغش
شبعنا سفسطه
م اللى على ووطى
والغاوي مرمطه
ايه الى جنت براقش

طل م الشباك ياريس
تلقي نور الفجر باين
طل شمال يمين يا مرسى
تلقى حب شوف وعاين
مد ايد الخير يا بويا
تلتقيه اخضر جناين

انت قدمت المشيئه
ايوه من اول دقيقه
حب مصر فيك حقيقه
كل شىء بعديها هاين

انت اصدرت القرار
امر اب حنون وصار
الى قالوا عنجهيه
بلطجيه وكله باين
واللى عملوا مليونيه
واللى مستنى العطيه
واللى واخد اليوميه
واللى خايب واللى خاين
لما كنت في اللومان
لما حب العز هان
لما ضاقت الحيطان
لما سودوا المكان
كنت حر وكنت صابر
لما العدل عاد وبان
الخسيس صابه جنان
لما قدمت البيان
قالوا ظالم قالوا فاجر

قادت الدمعه ف عينيه
قولت ايه الدنيا ديه
اللى عايزينها وسيه
واللى واخدينها عطيه
واللى دمر الصبيه
واللى خلاها مطيه
واللى فضح الوليه
ناس كتير بتقوله شاطر
اصحوا يا ولاد الوليه
مصر انتوا وانتوا هيه
قدمت روحها هديه
قدموا انتوا الخواطر

0 (لو نجحت مصر يبقى سبب نجاحهامرسى ولوفشلت مصر يبقى السبب احنا)


[justify]

وجهة نظر ولابد من ان نتقبلها .

فالرأى والرأى الآخر ظاهره صحيه واجبه .

مودتى وتحيتى ...