وجع القلب

موضوع: وجع القلب الجمعة نوفمبر 30, 2012 12:27 pm

وجع القلب..

انا قلت قلبى اتوجع

قالوا ولا يهمّك ..

يا عقدنا المفروط

مين اللى هايلمّك..

أنا قلت ينفع كده؟!

قالوا لى دى سياسة..

يابلدنا متأكدة ..

من نيّة الساسة ؟؟

أنا قلت يتفاهموا..

وكله يكون راضى..

كله طَـلَـق سهمه ..

وأولهم الـ..قاضى!!

أنا قلت طب خلّوا

عينكم على المساكين..

مسكوا بعزم العزم

على مقبض السكاكين !!

انا قلت ايه ضيّع

من قلبنا الفرحة..؟

قالوا الجميع حاسس

على راسه بالبطحة ..

أنا قلت دى شِدّة

عدّوهـــا .. واتلموا

عملوا الشهيد حِجّة

واتمسّحوا فـ دمـه..

والـدم .. جارر دم

وكأنه بـقـى إدمـان..

مين عنده حاجة أهم

من ساكنى الأوطان..

أنا قلت يا بلدنا ..

مش قصة .. واتقالت

قالوا فى الدراما أكيد

يلزم طرف تالت !!

قلت البلاد واقفة ..

فى ميتم الآحزان..

فِضلوا على سقفة ..

ويقولوا لسه كمان!!

أنا قلت - وبإخلاص -

ملعون أبو التَهيـيـس ..

دى الناس خلاص يا ناس

زهقت من التسيس ..

بقلم وعدسة

علاء عبد المنعم

موضوع: رد: وجع القلب السبت ديسمبر 01, 2012 12:45 pm

وانا اشد على يدك ايها الشاعر الجميل

اخى الشاعر علاء عبد المنعم

صدقنى اعجبت بنظمك وبكلماتك راقتنى جدا .

وانت شاعر جميل واعتذر عن التاخير فى المرور على قصيدتك .

مودتى وتحيتى ...

موضوع: رد: وجع القلب السبت ديسمبر 01, 2012 9:22 pm

استاذ علاء

حرف جميل واسلوب اجمل

تقديري واحترامي

واكرر ترحيبي بك

» يا روح القلب
» شوق القلب
» قصيدة:فعلاً ..القزح الصاهل..!
» بيت من القلب
» حبيب القلب