حبيبتى

حبيبتى

حبيبتى قابلتنى امبارح
على جسر جملة مش قادرة
تخطى بالمعنى وتفتح
جوة القصيد شباك بكرة
وعشان حبيبتى شيفانى
طيب وعيشها بالقدرة
همستلى ف سرى وقالتلى
بجد حتة دين فكرة
الفكرة لعبت ف دماغى
فضلت اصفر والاغى
رقعتنى بوسة على صداغى
مفعولها م النوع الطاغى
حبيبتى بنت الايه الشاطرة

حبيبتى قالتلى تلاعبنى
هعلمك لعبة جديدة
هاقولك كلمة لو شاطر
تحطها ف جملة مفيدة
والجملة عشان ماتحتارشى
ماتزدش عن كلمة وحيدة
والكلمة نقطها وحروفها
تكون جريئة وعنيدة
شروط اللعبة عجبتنى
وقلت حبيبتى تلاعبنى
لكن ياخسارة نسّتنى
قبل ماتمشى وتسبنى
اسالها عن الكلمة

حبيبتى عشان بتعشقنى
على قد مابحن بتقسى
غمتلى عينيا وادارت
ورا كل تنهيدة وهمسة
ورمتنى ف بحرها الهادر
وسبتنى لا شط ولا مرسى
وكل ما نادى واقول خلاويص
ترد حبيبتى لآ لسة
وسنين سنين وانا مستنى
تبل ريقى تطمنى
وكأنى على مدنة ف مالطا
وادانى ليها ولعنيها
اللعبة طالت لياليها
ودخولى م الاول غلطة
وهى لاسامعه ولا حاسه

استاذ / عادل
اولا بشكرك على مدخلتك وعلى النصيحه ولكن ياسيدى القراءة غير السمع فهناك قصائد عندما نقرأها نجدها بها خلل فى وزنها ولكن عندما نسمعها تختلف الرؤيه تماما عموما انا اشكرك على نصيحتك اما بخصوص الاحرف المكتوبه فهى الثلاثة احرف الاولى من اسمى ارجو قبول تحياتى

الفكرة جيدة

داخلك شئ جيد

استمر

استاذنا /احمد رجب
اشكرك جدا على كلام حضرتك واتمنى من الله ان اكون عندحسن ظنك ارجو قبول تحياتى

جميله احرفك وحسك

احسنت اخى الفاضل
مودتى

اسمك يحمل معنى جميل ( بسمة الورد ) اتمنى ان تكونى عكس ماأبدعنا به الشاعر العضيم ( أمل دنقل )
كل باقة
بين إغفاءة و افاقة
تتنفس مثلي -بالكاد- ثانية .. ثانية
و على صدرها حملت راضية
اسم قاتلها في بطاقة
اشكرك على رقه كلماتك وارجو قبول تحياتى