الموت يستأذن أحيانا

مقطعين للموت في اسيوط

(1)

علي السكه الحديد عفريت
وايد ممدوده بجراءه
بتعبي في التوابيت
لحم ودم وبراءه

بتلم اشلاء القمر
وابالسة الكون مجموعين
بيقلبوا كف القدر
والوجوه رغم القباحه مفجوعين

مين اللي يقدر ع اللي صار
مين اللي قطع كبدتي
مين اللي خطط للدمار
مين اللي مزع جتتي

مين اللي قال هذا الولي
كان يوم شريف
دا الحزن لو يوم ينجلي
عن مبتلي يصبح كفيف

-----------
(2)

ياقطر مالك كده
قلبك حديد ف حديد
مافرقت بين الملاك
وبين مرود وعبيد
قطعت وصل القلوب
ومزعت وتر الايد

ياقطر ليه القساوه
دا ذنب مين قولي
انا اللي كلي غباوه
كنت احسبك خلي

ياقطر مالك كدا
مافي حداك احساس
بتدوس قلوب البشر
تقطع ادين تنباس

ياقطر كلك غبا
كانك غراب البين
قلب الملايكه حبا
يمك بخبر الشين

ياقطر ليه العمي
دي بلدنا ملو جفون
واحنا بنعشق وما
وانت مالكش عيون

تسلم ايدك يا طاهر .

تلك الحادثه جعلتك تكتب ما لم تكتبه فى شهور .

فقرأت لك اكثر من نص فى هذا المضمون .

سلم قلمك اخى طاهر .

مودتى وتحيتى ...

احسنت شاعرنا القدير طاهر الصوفانى

كللمات على الوجع عبرت بدقه عما يجول بالخواطر

مودتى واحترامى لما قدمت

الشاعر الكبير..الأستاذ طاهر الصوفاني..طبعاً أنت تعرف رأيي مُسبقاً في تلك الرائعة فقد كان لي شرف التعقيب عليها على الفيس بوك..حقاً لن ازيد على كلام عمّنا الكبير عادل عوض غير ...الله ينور عليك ياشاعر..أبدعت وأمتعت وأشبعت

الله ينور عليك ياطاهر وعلي لسانك اللي عايز قطعه ده هههههههههههههههههههه

تثبت بواسطتي............... تحياتي

الله ينور عليك ياطاهر وعلي لسانك اللي عايز قطعه ده هههههههههههههههههههه

تثبت بواسطتي............... تحياتي

يا أستاذ طاهر
أحييك على هذا النص الرائع والمقطع رقم ( 2) موال صعيدي حزيييييييييييييين
أشعرفيه بصوت الناي ينعي أحبائنا الصغار كتبت فأبدعت

الشاعر المبدع / طاهر الصوفاني
لا فض فوك بتلك الرائعة الحزينة الباكية المبكية

ياقطر مالك كدا
مافي حداك احساس
بتدوس قلوب البشر
تقطع ادين تنباس

لكم كل التقدير والاحترام

أخي الشاعر طاهر الصوفاني

آحييك علي قصيدة بحجم الوجع الذي مزق القلوب المصرية كافة

اللهم أرحم عصافير الجنة وأنزل صبرا علي قلوب ذويهم وأقتص لنا

ممن أهمل فيهم ومن أوصل حالنا الي هذا القدر من الفساد والاهمال

خالص التقدير والاحترام

استاذ طاهر
شكرا لك علي ما نثرته لنا

يسعدني ويشرفني تواجدي في متصفحك

كل الود والتقدير

احمد

شكرا لكل اساتذة المنتدي والساده الشعراء علي الحفاوه والرد علي كلامي المتواضع واتمني ان يكون يستحق هذا

تحياتي للجميع

» بابا نويل يموت أحيانا !
» وقل هو الموت..
» الموت
» ملك الموت حضر
» الموت حيـــــــــــــــــــــاة