اعتذار ،،،،!!

موضوع: اعتذار ،،،،!! الإثنين نوفمبر 19, 2012 8:17 pm

آخر قرار ،،،،
ايوه هاابعد بس هبعد باعتذار ،!!
اعتذارى مش لقلبك ،،،!!!
ده عشان قلبى اللى حبك ،
بعته وبأرخص تمن
والبعاد كان اختيارك مش قرار ،،
اعتذار
هعتذر فوراّ لقلبى اللى داق منك مرار ،،
اللى عاش بعدك وقربك بانكسار ،،
ياما سامح .. ياما لان
ياما شاف منك هوان ويّاانهيار ،،،
اعتذار
ليه بتيجى تتهمنى بالخداع ؟؟؟
مش هنسأل .. اسأل انت مين دا باع ،،
حبى لك كان موج بحور ،
والطريق مفروش زهور ،
ليه جحودك حوله فوراّ دمار ،، ؟؟
اعتذار
هعتذر لدموع وسالت على الخدود
من شوق سنين ،،،
هعتذر لما اعرف اعزف احلى الحان الالم
قلبى الحزين ،،،
ولصوت أنين ،،
اعتذار
لجرح روح بأدين حبيب ،
هعتذر
علشان شموسى جوا منى راح تغيب ،
هعتذر
وهداوى جرحى بكلمتين ،
روح وانسى خلاص يا قلبى
ده مكانش ف يوم نصيب ،،
اعتذار
هعتذرلك عن سنين
كنت فيها معاك بقلبى ،،
هعتذرلك عن حنينى لو ها اخبى ..
ها انسى ايوه أيام هواك ،،
اما قلبى ها اعلمه اللى شبعته بجحودك
يهجرك وفى يوم نساك
اعتذار
اعتذارى مش انكسار ،،!
ولا لكيانى انهيار ،،!!!
ده اعتراف منّى وصريح
ان فعلاّ الفراق اسلم قرار وهعتذر ،،
لكنى .. من غير ما انكسر

الله عليكى يا ناديه ..

كلمات جميله . وازعم انها رد على قصيدتى

{ مش حا اعتذر } ولكن بقلمك الجميل وفكرك الراقى .

النظم جيد والموضوع كتبتيه برقى ومهاره .

تحيتى وتقديرى ...

عادل عوض سند كتب:: الله عليكى يا ناديه ..

كلمات جميله . وازعم انها رد على قصيدتى

{ مش حا اعتذر } ولكن بقلمك الجميل وفكرك الراقى .

النظم جيد والموضوع كتبتيه برقى ومهاره .

تحيتى وتقديرى ...

شاعر راقى ،،
حقا تلك كلمات رد على قصيدتك
بقدر استطاعتى سطرت كلمات رد بسيطة
اسعدنى اعجابك بها كثيرا
واسعى للتعلم اكثر كى استطيع الرد والمواصلة
والحق بخطاكم شعراء مبدعون
ودى وخالص تحية تقدير استاذنا عادل

الشاعرة الكريمة / نادية محمود

قصيدة معبرة وأكثر من رائعة

صيغت بمداد من ألم يعتصر القلوب بأسلوب جميل آسر وجرس بديع

لكم كل التقدير والاحترام

الشاعرة الجميل...الأستاذة نادية محمد أحييكِ على هذه القصيدة الرومانسية الجميلة برغم ما فيها من وجع وألم إلاّ أن فيها كبرياء راقي ...تحياااتي يا شاعرة Very Happy

نص راقى من قلمك غاليتى

رومانسية راقيه بكبرياء انثوى جميل
احسنتى مودتى

نص معقول واعتذارك مقبول

معارضة رائعة لقصيدة رائعة

ابدعتي ، مودتي

الوش فاقد ملامحه
والقلب خل اتزانه
جمالك انك مسامحه
والحق حطاه مكانه

كل الود والتقدير

احمد

جميله جدا جدا ومعبره وبها من الم الهجر والاعتزار مع كبرياء المعتزر وهو امر صعب

تحياتي لك

عبدالعزيز المنسوب كتب:: الشاعرة الكريمة / نادية محمود

قصيدة معبرة وأكثر من رائعة

صيغت بمداد من ألم يعتصر القلوب بأسلوب جميل آسر وجرس بديع

لكم كل التقدير والاحترام

شاعر قدير ،،
كم هى سعادتى بردك ومرورك البديع
تقبل منى كل تحية تقدير وشكر

رضا محمود كتب:: الشاعرة الجميل...الأستاذة نادية محمد أحييكِ على هذه القصيدة الرومانسية الجميلة برغم ما فيها من وجع وألم إلاّ أن فيها كبرياء راقي ...تحياااتي يا شاعرة

شاعرنا الرقيق
ردك وسام حصلت عليه الان
اسعدنى وشجعنى للمزيد
ارق تحياتى لعطر الحضور

بسمة الورد كتب:: نص راقى من قلمك غاليتى

رومانسية راقيه بكبرياء انثوى جميل
احسنتى مودتى

رقيقة انتى عزيزتى
اسعدنى وجودك وجميل ردك
دمتى بسعادة مدى الدهر

أحمد رجب معيط كتب:: نص معقول واعتذارك مقبول

معارضة رائعة لقصيدة رائعة

ابدعتي ، مودتي

ردك معسول وقبولك مشكور
لك أرق تحية واجمل زهور
لعطر خطاك وروعة المرور
سعدت باعجابك بكلماتى البسيطة

» شكر وتقدير للمنتدى واعتذار
» اعتذار
» أعتذار للقدس الشاعر منصور غيضان
» إعتــــذار ..!!
» اعتذار رسمى